अंजोर.रायगढ़, 15 जून 2021। सियान मन के संग होवइया दुर्व्यवहार बर जागरूकता फैलाये अउ उंकर उपेक्षा म आवाज उठाये हर साल 15 जून के World Elder Abuse Awareness Day (WEAAD) मनाये जाथे। ए विशेष दिन म सिनीयर सिटीजन सेल के जिला नोडल अधिकारी उप पुलिस अधीक्षक यातायात पुष्पेंद्र बघेल डहर ले सबो थाना, चौकी प्रभारी ल ‘समर्पण अभियान’ बखत जोड़े गे बुजुर्ग के कुशलक्षेम पूछे अउ ओला कोनो रकम के जरूरत हो त यथासम्भव मदद करे के निर्देशित करे गे रिहिस।
उहें पुलिस अधीक्षक संतोष कुमार सिंह डहर ले वैक्सीनेशन के लेके सियान मन म भ्रांती ल दूरिहा करके ओला वैक्सीनेशन के प्रति प्रोत्साहित करके टीकाकरण ले वंचित सियान मन के मदद करे के निर्देश दे गे हावय। निर्देश के पालन म आज थाना, चौकी प्रभारीगण अपन स्टाफ के संग थानाक्षेत्र के सियान मन के कुशलक्षेम जाने पहुंचे रिहिस। उंकर ले उंकर समस्या अउ विशेष करके वैक्सीनेशन के संबंध म गोठबात करे गिस। कई सियान मन वैक्सीनेशन के लेके भ्रम म रिहिस, जेला अफवाह अउ सत्यता के बारे म बताये गिस, संग ही उंकर वैक्सीनेशन के प्रबंध प्रभारी डहर ले करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।