अंजोर.कवर्धा, 15 जून 2021। कलेक्टर ह छत्तीसगढ़ शासन राजस्व अउ आपदा प्रबंध विभाग के निर्देश के मुताबिक बाढ़ रोकथाम कक्ष स्थापित करे हावय। ये रोकथाम कक्ष कलेक्ट्रेट कार्यालय के अधीक्षक कक्ष म स्थापित करे गे हावय, जेकर फोन नंबर 0771-232609 हावय। बाढ़ रोकथाम समिति 24 घंटा बुता करही। बाढ़ रोकथाम कक्ष के खातिर डिप्टी कलेक्टर अनिल सिदार मोबाईल नंबर 94790-89190 ल नोडल अधिकारी बनाये गे हावय।
कलेक्टर ह बताइन के बाढ़ रोकथाम कक्ष म कर्मचारी मनके ड्यूटी लगाये गे हावय, जेन 24 घंटा बुता करही। ओमन बताइन के रोकथाम कक्ष म महिला अउ बाल विकास विभाग के सहायक ग्रेड-03 धमेन्द्र कुमार सोरी अउ लोक निर्माण विभाग के भृत्य नेहरू लाल मंगेश्कर के ड्यूटी बिहनिया 6 बजे ले मंझनिया 12 बजे तक, कृषि विभाग के सहायक ग्रेड-02 बी.एल. मेरावी अउ महिला अउ बाल विकास विभाग के भृत्य सरोज यादव के ड्यूटी मंझनिया 12 बजे ले संझा 6 बजे तक, तहसील कार्यालय के सहायक ग्रेड-03 मणीलाल पाली अउ नगर पालिका के भृत्य भरत बघेल के ड्यूटी संझा 6 बजे ले रात 12 बजे तक अउ तहसील कार्यालय के सहायक ग्रेड-03 कृष्णा शर्मा अउ कृषि विभाग के भृत्य शिवराम मरकाम के ड्यूटी रात 12 बजे ले बिहनिया 6 बजे तक लगाये गे हावय। ओमन बताइन के कर्मचारी मन के ड्यूटी 15 जून ले 15 जुलाई 2021 तक रोज चलही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।