अंजोर.कांकेर, 5 जून 2021। जिला म सचालित सबो शासकीय, अशासकीय, महाविद्यालय, विश्व विद्यालय, इंजीनियरिंग कालेज, मेडिकल कालेज, आईटीआई, पालिटेक्निक आदि संस्था मन म पढ़त अनुसूचित जाति, जनजाति अउ आन पिछड़ा वर्ग के पढ़ईया मन ल विभाग डहर ले संचालित पोस्ट मैट्रिक छात्रवृति के पात्रता रखत हावयं, वो आनलाईन आवेदन कर सकत हावय।
आदिवासी विकास विभाग के सहायक आयुक्त ह जानकारी दे हावय के कोविड-19 के सेती कॉलेज मन म प्रवेश अउ परीक्षा परिणाम विलंब ले घोषित होए के सेती शिक्षा सत्र् 2020-21 म छात्रवृति बर पात्रता रखइया पढ़ईया मन के खातिर पोस्ट मैट्रिक छात्रवृति ले कक्षा 12वीं ले उच्चतर स्तर के आवेदन स्वीकृत अउ वितरण के कार्यवाही वेब साईड म आनलाईन आवेदन करे जात हावय। जेकर ले पढ़ईया मन के पंजीयन अउ संस्था मन के प्रस्ताव स्वीकृत अउ लाक करे बर विभाग डहर ले तिथि म बड़वार करे गिस हावय। 10 ले 17 जून तक पात्र लंबित पढ़ईया मन डहर ले आनलाईन बर नवा अउ नवीनीकरण, 10 ले 19 जून तक ड्राफ्ट प्रपोजल लाक करे बर अउ 10 ले 20 जून तक सेक्सन आडर लाक करे बर तिथि करार करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।