Surguja District : सरगुजा म हवाई सेवा शूरू होए ले अम्बिकापुर, बलरामपुर, सूरजपुर, कोरिया अउ जशपुर म होही विकास : भूपेश बघेल

अंजोर
0

अंजोर.अम्बिकापुर, 15 जून 2021। सरगुजा म हवाई सेवा शूरू होए ले अम्बिकापुर बलरामपुर, सूरजपुर, कोरिया, जशपुर के विकास तेज होही अउ पूरा प्रदेश के विकास ल मिलही गति। मुख्यमंत्री भूपेश बघेल ह विकास कार्य के वर्चुअल भूमिपूजन अउ लोकार्पण कार्यक्रम ल संबोधित करत ये बात किहिन के मां महामाया एयर पोर्ट के उन्नयन बुता के शुभारंभ के संग ही सरगुजा सहित पुरा छत्तीसगढ़ म एयर कनेक्टिवीटी के खातिर हमर सरकार सरलग काम करत हावय। हवाई सेवा शुरू होए ले सरगुजा म पर्यटन के बढ़ावा मिलही। हवाई सेवा केवल सरगुजा संभाग के लोगन के सपना ही नइ बल्कि पूरा छत्तीसगढ़ के लोगन के सपना हावय। ओमन ए मउका म सरगुजा जिला म करीब 248 करोड़ रूपिया के 107 निर्माण अउ विकास बुता के वर्चुअल भूमिपूजन अउ लोकार्पण तको करिन। एमे 44 करोड़ रूपिया के लागत ले मां महामाया एयर पोर्ट के उन्नयन बुता सहित 165.333 करोड़ के 82 कार्य के भूमिपूजन अउ 82.585 करोड़ के 25 कार्य के लोकार्पण बुता शामिल हावयं। 

मां महामाया एयर पोर्ट के उन्नयन बुता बर मुख्यमंत्री निवास कार्यालय ले वीडियो कान्फ्रेसिंग के माध्यम ले आयोजित कार्यक्रम के मउका म जिला प्रभारी मंत्री डा. शिवकुमार डहरिया, पंचायत अउ ग्रामीण विकास मंत्री टी.एस. सिंहदेव, गृह मंत्री ताम्रध्वज साहू, स्कूल शिक्षा मंत्री डा. प्रेमसाय सिंह टेकाम, खाद्य मंत्री अमरजीत भगत सहित अपर मुख्य सचिव सुब्रत साहू अउ आन वरिष्ठ अधिकारी उपस्थित रिहिस।

मुख्यमंत्री ह किहिन के हवाई सेवा शुरू होए ले पर्यटन के गति मिलही अउ रायपुर बनारस के सफर भी आसान हो जाही। सरगुजा ले लेके पूरा प्रदेश म पर्यटन जगह के कमी नइ हावय। आने वाला दिन म पर्यटन उद्योग हमर नवा ताकत बनही। ओमन किहिन के नवा पर्यटन जगह ज जोड़े के खातिर नवा सड़क के निर्माण अउ सुविधा के विस्तार तेजी ले करे जात हावय। पर्यटन ल बढ़ावा दे खातिर रामवन गमन पर्यटन परिपथ विकास योजना शुरू करे गिस। पहिली चरण म 9 पर्यटन केन्द्र के विकास बुता सुरू करे गे हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !