तलवार लहरावत राजधानी के तीन बदमाश भाटापारा म गिरफ्तार

अंजोर.बलौदाबाजार, 10 जून 2021। रायपुर ले आये 3 बदमाश तलवार-गुप्ति के संग गिरफ्तार करे गे हावय। संज्ञेय अपराध के फिराक म तिनो बदमाया के पकड़ाये बडे घटना टलगे। पुलिस के बताती वरिष्ठ अधिकारी मन के निर्देश म बाहिर जिला ले तलवार के संग आये तीन बदमाश कन्हैया गर्ग पिता कमल प्रसाद गर्ग उमर 21 साल, ओमप्रकाश साहू पिता तिरालाल साहू उमर 19 साल, सुरज दुबे पिता प्रकाश दुबे उमर 24 साल तीनों बिरगांव जिला रायपुर ल पकड़े गे हावय। ये आरोपीगण के विरूद्ध अपराध क्रमांक 198/2021 धारा 25, 27 आर्म्स एक्ट 34 भादवि के तहत कार्यावाही करके माननीय न्यायालय म पेश के गिस। 

येमन नाका नम्बर 1 तिराहा म हाथ म तलवार गुप्ती धने आने जाये वाला ल तलवार लहरा-लहरा के डरा धमका करके भयभीत करत रिहिस। जेकर सूचना मिलते ही पुलिस स्टाफ मउका म पहुंचगे। तीनों बदमाश ल बड मुश्किल ले काबू म करे गिस अउ उंकर कब्जा ले हथियार ल अपन पास रखके, पुछताछ करे गिस। कन्हैया गर्ग ले मिले तलवार के मापदंड राज्य शासन के नोटिफिकेशन ले जादा रिहिस तलवार रखे के संबंध म कोनो रकम ले दस्तावेज नइ होना बताइन मउका म तलवार अउ मोटर सायकल ल जप्त करके धारा 25, 27 आर्म्स एक्ट अउ धारा 34 भादवि के तहत कार्यवाही करके गिरफ्तार करे गिस।