अंजोर.रायपुर, 26 मई 2021। मुख्यमंत्री भूपेश बघेल ह अपन निवास कार्यालय ले नया रायपुर म बालको मेडिकल सेन्टर के तिर अनिल अग्रवाल फाउंडेशन डहर ले बने नवा वेदांता केयर्स फील्ड अस्पताल के वर्चुअल रूप म लोकार्पण करिन।
मिले आरो के मुताबिक ये वातानुकूलित अस्पताल म 90 बिस्तर आक्सीजन वाला हावय अउ 10 आन बिस्तर म वैंटिलेटर के सुविधा हावय। ये मउका म प्रदेश के मुखिया ह अस्पताल के लोकार्पण करत किहिन के ये अस्पताल के शुरू होए ले कोरोना ले लड़े म अउ सहूलियत होही। मैं अनिल अग्रवाल फाउंडेशन के संग सबो डॉक्टर अउ आन स्टाफ मनला बधाई देवत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।