महासमुंद जेल ले फरार पांचवां कैदी, मास्टर माइंड राहुल ल पटेवा पुलिस करिस गिरफ्तार

अंजोर.महासमुंद, 26 मई 2021। महासमुंद जेल ले योजना बनाके भागे पांच आरोपी म चार तो तुरते पकड़ा गे रिहिस। काबर के ओमन स्थानीय रिहिस, फेर ओकर गुरू जेन ह जेल ले भागे के योजना बनाइये रिहिस पुलिस के पकड़ ले बाहिर रिहिस। 

पुलिस के बताती आरोपी राहुल निवासी गाजीपुर उत्तरप्रदेश ही ये कांड के मुखिया रिहिस, जेला महासमुंद के पटेवा पुलिस गिरफ्तार करे हावय। बताये जाथे के आरोपी मनला जिला म कोरोना के सेती लॉकडाउन के आरो नइ रिहिस, इही सेती जेल ले भागे के बाद कोनो आन कोति नइ जा सकिस। पुलिस के सरलग पतासाजी ले पकड़ म आगे, इही गत राहुल के होइस पुलिस के कार्यवाही के सेती उहू आन कोति भागे नइ सकिस अउ पकड़ागे। आखिरकार फरार पांचों आरोपी अब फेर जेल म पहुंचगे।