अंजोर.रायपुर, 07 मई 2021। महासमुंद जिला जेल ले दीवार कूइ के 5 कैदी मनके भागे के घटना म गृह अउ जेल मंत्री ताम्रध्वज साहू ह जेल प्रशासन के वरिष्ठ अधिकारी मन ल तुरते कार्रवाई के निर्देश दे हावय। ओमन ए घटना के बारीकी ले जांच कराये अउ फरार कैदी मनके पतासाजी खातिर टीम बनाके लघियात कार्यवाही करे ल किहिन हावय।
जानबा होवय के जिला जेल महासमुंद म सजा काटत पांच कैदी योजना बद्ध तरीका ले जेल के पाछु के दीवार कूदके फरार हो गे हावय। एमे चार कैदी महासमुंद जिला के अउ एक कैदी गाजीपुर उत्तर प्रदेश के रहइया हावय। बताये जात हावय के चार अपराधी मन के 2019 म सजा होए के बाद अउ एक के 2020 म सुनवाई के बाद जेल दाखिल करे गे रिहिस। जेल ले फरार पांचों अपराधी मन ह बड़े ही शातिराना ढंग ले जेल के कड़ा सुरक्षा बेवस्था म सेंध लगाके फरार हो गे। फरार कैदी मनके तलाश करे जात हावय। आन जिला के पुलिस ल भी सर्तक करत फरार कैदी मन के बारे म जानकारी भेजी गे हावय। ए घटना के बाद ले जेल प्रबंधन ह आन बैरक मनके संग पूरा जेल म सुरक्षा बेवस्था के अउ सख्त करके दे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।