अंजोर.सूरजपुर, 07 मई 2021। कलेक्टर ह कोरोना संक्रमण के सरलग बढ़ोत्तरी ल धियान म रखत जिला म काली ले आयोजित होए वाला बिहाव अवइया आदेश तक निरस्त करे के निर्देश दे हावयं। कलेक्टर ह जिला म सबो अनुविभागीय अधिकारी राजस्व अउ तहसीलदार डहर ले जतका भी बिहाव के अनुमति दे गे हावय, ओमा ले आज आयोजित होए वाला बिहाव ल छोड़के काली ले आयोजित होए वाला सबो बिहाव के अनुमति तुरते प्रभाव ले निरस्त करे के बेवस्था सुनिश्चित करे ल किहिन। ओमन ए आशय के लिखित म आदेश भी जारी करे ल किहिन हावय अउ संबंधित ले पावती अनिवार्य रूप ले बर किहिन हावय। कलेक्टर ह आदेश के उल्लंघन करइया मनखे मन के विरुद्ध जरूरी वैधानिक कार्यवाही भी करे खातिर निर्देशित करे हावय।
सूरजपुर जिला म नइ होवय अब नोनी-बाबू के बिहाव, मिले अनुमति तको निरस्त, उल्लंघन करे म होही कार्यवाही
मई 07, 2021
0
Tags
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।