ईद तिहार बर अधिकारी अउ मुस्लिम समाज प्रमुख मनके रेडक्रास म होइस बइठक

अंजोर.रायपुर, 07 मई 2021। अतिरिक्त जिला दण्डाधिकारी रायपुर के अध्यक्षता म रेडक्रास सोसायटी के सभाकक्ष म अवइया ईद तिहार के संबंध म बइठक आयोजित करे गिस। बइठक म पुलिस अउ प्रशासन के वरिष्ठ अधिकारी मन के अलावा मुस्लिम समाज के कई गणमान्य मनखे सामिल होइन। बइठक म समाज के प्रमुख मनखे मन डहर ले एकमति होके सहमति व्यक्त करिन के शासन अउ जिला प्रशासन डहर ले कोरोना कोविड-19 के संबंध म जेन दिशा निर्देश जारी करे गे हावयं, उंकर पूरा पालन करे जाही अउ पहिली साल सहिक ही तिहार मनाये जाही। 

मस्जिद म मुतल्लवी सदर सहित केवल 05 मनखे जेन प्रतिदिन मस्जिद म नमाज अदा करत हावय, उही मस्जिद म ईद के नमाज म शामिल होही अउ समाज के आन सबो मनखे अपन-अपन घर म ही रिहिके ईद के नमाज अदा करही। बइठक म मुख्य रूप ले अतिरिक्त पुलिस अधीक्षक शहर लखन पटले, प्रणव सिंह अनुविभागीय दण्डाधिकारी प्रणव सिंह, सीएसपी सिविल लाईन, सीएसपी कोतवाली अउ समाज कोति ले शफीक अहमद उर्फ फुग्गा भाई शांति समिति सदस्य सहित केऊ अऊ समाज प्रमुख मन जुरियाए रिहिन।