भाजपा के दोहरा चरित्र फेर बेनकाब : शैलेश त्रिवेदी

अंजोर.रायपुर, 11 मई 2021। प्रदेश के भाजपा नेता मनके आये दिन प्रदेश सरकार के खिलाफ उठत बात चाहे युवा मनके टीकाकारण के होवय, किसान मनला बोनस देके होवय या दारू बेचे के मामला होवय म, मनसा सिरिफ भूपेश सरकार के मनोबल गिराये के होथे। भाजपा नेता मनके दोहरा चरित्र ल बेनकाब करत आज प्रदेश कांग्रेस मीडिया विभाग के शैलेश त्रिवेदी ह ट्वीट करके किहिन के इहां के नेता मन टीका-टीका चिल्लावथे अउ केन्द्र कोति ले युवा मनला वैक्सीनेशन खातिर जरूरत के सिर्फ 2% टीका अभी तक भेजे हावय। 

इही रकम ले केंद्र के भाजपा सरकार धान के बोनस दे म रोक लगाथे अउ भाजपा नेता मन राजीव गांधी न्याय योजना के पूरा राशि एक बार म देके के मांग करथे। ओमन दारू के घर पहुंच सेवा कोति तको इशारा करत करिन के इहां विरोध होवत हावय अउ प्रधानमंत्री मोदी जी के निर्वाचन क्षेत्र उत्तरप्रदेश के वाराणसी म लोगन मन लाइन लगा के दारू लेवत हावय।