बइसाख म असाढ़ सही बरसा : फसल अउ जन-धन के होए नकसानी के मिलही मुआवजा, मुखिया दिस सर्वे के निर्देश

अंजोर.रायपुर, 11 मई 2021। छत्तीसगढ़ के केऊ जिला म पाछू तीन दिन ले असाढ़ सही संझा-बिहनिया पानी दंदोरत हावय। ये बीच किसान मनके खेत म लगे फलस ल भारी नुकसान होए के अनुमान हावय। इही सब बात के फिकर करत आज प्रदेश के मुखिया भूपेश बघेल ह बेमौसम बरसा ले फसल सहित आन जन-धन के नकसानी के जांच अउ प्रभावित लोगन ल तुरते जरूरी मदद दे के सबो जिला कलेक्टार ल निर्देश दे हावय। ओमन आगू किहिन के बारिश अउ आंधी-तूफान के सेती होए नुकसान के सर्वे के खातिर तुरते टीम के गठन करके आंकलन करें अउ पीड़ित ल तत्काल राजस्व पुस्तक परिपत्र 6-4 के तहत आवश्यक आर्थिक सहायता राशि प्रदान करे जाए।