अंजोर.रायपुर, 21 मई 2021। नशा के काला कारोबार करइया मनके खिलाफ पुलिस के सरलग कार्यवाही चलत हावय। जेमा थाना पंडरी क्षेत्र म गांजा, प्रतिबंधित नशीला सिरप अउ धारदार चाकू के संग आरोपी जायद हुसैन उर्फ शाहरूख हुसैन ल गिरफ्तार करे म पुलिस ल सफलता मिले हावय।
आरोपी जायद हुसैन उर्फ शाहरूख के विरूद्ध धारा 20(B),21(C) NDPS एक्ट अउ 25 आर्म्स एक्ट के कार्यवाही करे गिस। पुलिस के बताती आरोपी अपन मकान ईरानी डेरा ब्लाक 14 रूम नंबर 05 म दीवान के अंदर अवैध मादक पदार्थ गांजा अउ नशा के उपयोग म आने वाला कफ सीरप ONEREX बिक्री बर छिपाके रखे रिहिस। तलाशी म पुलिस ल धारदार चाकू कमर पट्टी म दबे अउ पेन्ट के जेब म एक बटनदार चाकू रखे मिलिस। येकर अलावा आरोपी के मकान के अंदर लकड़ी के दीवान के तलाशी लिस जेना दीवान के अंदर एक प्लास्टिक के बोरी म 08 पैकेट म गांजा अउ एक प्लास्टिक के बोरी म नशीला कफ सीरप ONEREX भरके रखे रिहिस। गांजा लगभग 6.500 किलोग्राम अउ 55 नग सीरप कीमती आरोपी ले जुमला कीमती 71,600 रूपिया के जप्ती करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।