स्वास्थ्य विभाग अउ जिला रेडक्रास सोसायटी ले मिलिस जगदलपुर ल तीन एम्बुलेंस

अंजोर.जगदलपुर, 21 मई 2021। कोरोना मरीज मन ल अस्पताल पहुंचाये के खातिर उपलब्ध कराए गे तीन एम्बुलेंस ल आज संसदीय सचिव रेखचंद जैन ह हरा झंडी देखाके कलेक्टोरेट ले रवाना करिन। एमे दू एंबुलेंस स्वास्थ्य विभाग अउ एक एंबुलेंस जिला रेडक्रास सोसायटी डहर ले उपलब्ध कराये गे हावय। ए मउका म चित्रकोट विधायक राजमन बेंजाम, क्रे्डा के अध्यक्ष मिथिलेश स्वर्णकार, महापौर श्रीमती सफीरा साहू, नगर निगम अध्यक्ष श्रीमती कविता साहू, मुख्य चिकित्सा अउ स्वास्थ्य अधिकारी डॉ. डी राजन सहित स्वास्थ्य विभाग के अधिकारी उपस्थित रिहिस।