अंजोर.बिलासपुर, 13 मई 2021। कोविड मरीज मन के स्थानीय स्तर म तुरते उपचार सुविधा उपलब्ध कराये के खातिर मात्र 10 दिन के भीतर रतनपुर स्थित लखनी देवी मंदिर परिसर म 30 बिस्तर के महामाया कोविड केयर सेंटर तइयार करे गे हावय। आज ले ये कोविड केयर सेंटर ल मरीज मन के उपचार के खातिर विधिवत शुरू कर दे गे हावय। जिला कलेक्टर ह कलेक्टर सरलग ए सेंटर के निरीक्षण करत जरूरी निर्देश देते रिहिनं। जेकर ले कम समय म कोरोना पीड़ित मरीज मन के उपचार के खातिर ये सेंटर तइयार हो पाइस।
जिला कलेक्टर ह किहिन के कोविड के दूसरइया लहर ह सबला हैरान कर देहे। येकर भयावहता के अंदाजा लगाना मुश्किल रिहिस। जिला अस्पताल अउ सिम्स म इहां ले मरीज ल ले जाये म दिक्कत होत रिहिस। येला धियान म रखत रतनपुर म कोविड केयर सेंटर बनाये के फइसला ले गिस। एला मूर्तरूप दे म सबो के योगदान रिहिन हावय। जन सहयोग ले ही ये संभव हो पाये हावय। ओमन किहिन के आने वाला समय म मस्तूरी अउ कोटा विकासखण्ड म भी इही रकम ले कोविड केयर सेंटर शुरू करे जाही। जेकर ले लोगन ल स्थानीय स्तर म ही उपचार मिल सकही।
जिला पंचायत अध्यक्ष अरूण सिंह चैहान ह किहिन के लोगन के कोविड केयर सेंटर तइयार होए ले राहत मिलही। लघियात उपचार के सुविधा के संग समय के भी बचत होही। ओमन सेंटर के खातिर 21 हजार रूपिया नगद रकम प्रदान करिन, कोविड केयर सेंटर म जनसहयोग ले फ्रिज, वाशिंग मशीन, गीजर, एम्बुलेंस, एनआईव्ही मशीन, मोबाईल, डॉक्टर के रेहे अउ भोजन जइसे व्यवस्था करे गे हावय। ए मउका म महामाया देवी मंदिर ट्रस्ट के अध्यक्ष आशीष सिंह ठाकुर, नगर पालिका परिषद के अध्यक्ष घनश्याम रात्रे, एसडीएम तुलाराम भारद्वाज, तहसीलदार सहित आन अधिकारी मौजूद रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।