अंजोर.राजनांदगांव, 26 मई 2021। जिला कलेक्टर के निर्देश के मुताबिक खाद्य विभाग डहर ले शासकीय धान के कस्टम मिलिंग बुता के खातिर समिति मन ले धान के उठाव नइ करइया राईस मिल के जांच करे जात हावय। खाद्य अधिकारी किशोर कुमार सोमावार के मार्गदर्शन म सहायक खाद्य अधिकारी भुनेश्वर चेलक अउ आशीष रामटेके अउ खाद्य निरीक्षक द्रोण कामड़े डहर ले राईस मिल मनके जांच करे गिस।
जांच के बखत अतुल राईश मिल के प्रोपाईटर ल शासकीय धान के उठाव के खातिर निर्देशित करे गिस। मिल म छत्तीसगढ़ कस्टम मिलिंग के निर्देश के पालन नइ करे के सेती मिल परिसर म लगभग 1 करोड़ 33 लाख रूपिया के उपलब्ध 4200 क्विंटल धान अउ 2200 क्विंटल चाउंर जप्त करके प्रोपाईटर के सुपुर्द करे गिस।
इही रकम ले जगन्नाथ राईस मिल अउ जय भगवान राईस मिल गठुला के निरीक्षण करे म शासकीय धान के कस्टम मिलिंग अउ शासन के निर्देंश के अवहेलना करे म जय भगवान राईस मिल के प्रोपाईटर ले 2400 क्विंटल धान अउ 560 क्विंटल चाउंर जेकर कीमत 59 लाख 33 हजार रूपिया के जप्त करे गिस। जगन्नाथ राईस मिल गठुला ले 160 क्विंटल धान अउ 580 क्विंटल चाउंर जेकर किमत लगभग 17 लाख 48 हजार रूपिया के जप्त करिन। ए रकम ले तीन राईस मिल ले कुल 6760 क्विंटल धान अउ 3360 क्विंटल चाउंर जप्त करिन। जेकर किमत लगभग 2 करोड़ 10 लाख 27 हजार 680 रूपिया हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।