Cyclone Yaas गरेरा ल बांचे खातिर 3 दिन खास सावधानी बरतय : टीएस सिहंदेव

अंजोर.सरगुजा, 26 मई 2021। समुद्री चक्रवात तूफान यास ले देश के खास कर ओडिशा अउ बंगाल ल भारी नुकसान होए के अनुमान बताये गे हावय। फेर येकर असर छत्तीसगढ़ म तको देखे जात हावय। बिहनिया ले हवा तेज चलत हावय। इही बात ल धियान म राखत प्रदेश के स्वास्य्  मंत्री टीएस सिंहदेव ह प्रदेश के जनता ले सावचेत रेहे के अपील करे हावय। 

ओमन आगू किहिन के सरगुजा, सूरजपुर, बलरामपुर अउ जशपुर जिला म चक्रवात ले बचे के खातिर अग्रिम तइयारी खातिर बीते दू दिन ले संबंधित जिला कलेक्टर मनले गोठबात करत हवं। प्रदेशवासी मनला अवइया 3 दिन के खातिर सावधानी बरते के अपील करत हवं। जदा जरूरी होही तभे घर ले बाहिर निकले अउ गरेरा ले सावधान राहय। प्रार्थना हावय के ये विपदा कोनो क्षति नी पहुंचाए।