अंजोर.रायपुर। छत्तीसगढ़ के गजब अकन जिला जिहां 6 मई के लॉकडाउन सिरावत रिहिस उहां फेर अऊ 10 दिन बढ़ा दे गे हावय। इही बात के आरो देवत अउ मनखे मन ला साव-चेत करत जिला प्रशासन डहर ले रायपुर पुलिस उपमहानिरीक्षक अउ वरिष्ठ पुलिस अधीक्षक अजय कुमार यादव, रायपुर कलेक्टर एस भारथीदासन के संग अतिरिक्त पुलिस अधीक्षक के नेतृत्व म नगर पुलिस अधीक्षक अउ थाना प्रभारी सहित आन पुलिस बल के संग शहर म फ्लैग मार्च करिन।
पुलिस टीम डहर ले मुख्य ठऊर मन म फ्लैग मार्च करे के संग ही गली अउ मोहल्ल के अंदर जाके भी अनावश्यक रूप ले घर ले बाहिर निकले अउ बेवजह बाहिर घुमने वाला ल सख्ती ले समझाईश देत हुये घर के अंदर रेहे अउ लोगन ल मास्क पहने अउ लॉकडाउन के निर्देश के पालन करे हिदायत दे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।