‘राजनीतिक नहीं राजधर्म निभाएं’ मुहिम म NSUI पहुंचिस भाजपा विधायक, सांसद निवास

अंजोर.रायपुर। कोरोना राई के सेती देश म चारो मुड़ा राहित माते हावय। फेर देश म नेता मन बने रकम ले आम जनता खातिर कोनो ठोस फइसला नइ ले सकत हावय। छत्तीसगढ़ सरकार के कहना हावय के केन्द्र सरकार ले मांग अउ आर्डर के बाद भी कमती खुराक देवत हावय। सोशल मीडिया ले मिले आरो के मुताबिक इही बात म एनएसयूआई ह प्रधानमंत्री श्री नरेन्द्री मोदी जी ले टीका देवाये खातिर प्रदेश के सबो विधायक अउ सांसद मनके निवास म खड़े होए के फइसला करे हावय। इही ओढ़र म आज एनएसयूआई राजनांदगांव प्रतिनिधी मंडल ह प्रदेश के पूर्व मंख्यमंत्री अउ भाजपा के राष्ट्रीय उपाध्यक्ष डॉ. रमन सिंह जी के निवास के बाहिर पहुंचिन।