घरौंदा आश्रय के दिव्यांग मनल लगिस कोरोना टीका

अंजोर.रायपुर, 27 मई 2021। घरौंदा आश्रय गृहम रहइया ऑटिज्म, सेरेब्रल पाल्सी, मानसिक मंदता अउ बहुनिशक्तता ले ग्रस्त दिव्यांगजन ल आज कोरोना वायरस के बचाव बर टीका लगाये गिस। जेमा 24 महिला, 15 पुरुष अउ संस्था म कार्यरत 3 कर्मचारी मन सहित कुल 42 लोगन ल टीका लगवाये गे हावय। कलेक्टर डॉ एस भारतीदासन ह आश्रय गृह म रइहया सबो दिव्यांगजन ल कोरोना वायरस ले बचाव बर टीका लगाये के खातिर समाज कल्याण विभाग के अधिकारी मन के निर्देशित करे रिहिन। कोरोना वायरस ले बचाव के खातिर टीकाकरण के बुता सरकार अउ प्रशासन डहर ले तेजी ले करे जात हावय। इही कड़ी म दिव्यांगजन ल भी टीका लगाये के विशेष इंतजाम करे गिस। समाज कल्याण विभाग के संयुक्त संचालक भूपेंद्र पांडे ह बताइन के घरौंदा आश्रय गृह एनजीओ डहर ले डीडी नगर रायपुर म संचालित हावय जेला समाज कल्याण विभाग ले अनुदान मिले हावय। ओमन बताइन के ए आश्रय गृह म अट्ठारह साल ले जादा उमर के दिव्यांगजन निवासरत हावय।