अंजोर.रायपुर, 27 मई 2021। बरसात ले पहिली बाढ जइसे आपदा ले निपटे खातिर के एस.डी.आर.एफ. रायपुर डहर ले पूर्वाभ्यास करे गिस। आज लगभग 2 घण्टा के अभ्यास म डाइविंग स्कूबा, अण्डर वाटर कैमरा के डहर ले 20 ले 25 फीट गहराई के स्थिति के जायजा अउ तैराकी कौशल के अभ्यास करे गिस।
मिले आरो के मुताबिक एस.डी.आर.एफ. प्रभारी श्रीमति अनिमा एस. कुजूर ह के बताती नगर सेना, अग्निशमन आपातकालीन सेवा अउ एस.डी.आर.एफ. के महानिदेशक के आदेश के मुताबिक बाढ आपदा, बचाव बुता के अभ्यास प्रारम्भ करे गिस। ए रकम ले अभ्यास 15 दिन करे जाही। ए कड़ी म नवा रायपुर स्थित झांझ जलाशय म आयोजित पहिली पूर्वाभ्यास म एस.डीआर.एफ. के 40 जवान मन ह हिस्सा लिस। ए अभ्यास म 6 फाईवर मोटर बोट, 2 रबर मोटर बोट अउ 1 एल्युमिनियम बोट ओ बी एम युक्त मॉकडिल करे गिस।
जानबा होवय के साल 2020 म आये बाढ़ आपदा म एस.डी.आर.एफ. के जवान मन डहर ले जिला मुँगेली, बलौदाबाजार, बेमेतरा अउ रायपुर जिला के परसुलीडीह, सडड् अउ बिरगाव उक जगह म कुल 370 लोगन के रेस्क्यू करके सुरक्षित निकाले गे रिहिस। जवान मन डहर ले बाढ़ आपदा बचाव बुता के संग आगजनी, चक्रवात, भूकंप जइसे प्राकृतिक अउ मानवजनित आपदा म भी रेस्क्यू के बुता करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।