अंजोर.रायपुर, 15 मई 2021। जिला कलेक्टर रायपुर कोति ले अब कोरोना राई ल देखते रायपुर जिला ल 31 मई के बिहनिया तक कंटेनमेंट जोन बने रेहे के आदेश जारी करे गे हावय। ये बखत रायपुर जिला के सबो सीमा सील रइही। एजेंसी ले मिले आरो के मुताबिक सुपर बाजार, सब्जी बाजार, मॉल, शो-रुम, मैरिज हॉल,स्विमिंग पूल, क्लब, सिनेमा हॉल, सैलून, ब्यूटी पार्लर, स्पा, जिम अउ आन सार्वजनिक ठउर नइ खुलय।
रायपुर जिला के सबो कार्यालय आम जनता खातिर बंद रइही फेर 50 प्रतिशत स्टाफ के कार्यालय खोले जाही। गोडाउन अउ मंडी म थोक माल/कार्गो/फल/सब्जी लोडिंग/अन-लोडिंग के अनुमति रात 10.00 बजे ले बिहनिया 6.00 बजे तक रइही। लोक सेवा केन्द्र/च्वाईस सेंटर शाम 05.00 बजे तक खोले जाही। बीज, उर्वरक, कीटनाशक दुकान/गोडाउन अउ कृषि मशीनरी के विकय/मरम्मत दुकान 5.00 बजे तक खुलही। निर्माण गतिविधि संबंधित दुकान जइसे हार्डवेयर, प्लंबिंग, इलेक्ट्रिकल, ए.सी.,कूलर संबंधी स्थानीय/एकल दुकान रविवार छोड़के बाकी दिन 5.00 बजे तक खोली जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।