अरपा उत्थान अउ तट संवर्धन बुता के काली शिलान्यास करही मुख्यमंत्री

अंजोर.रायपुर, 15 मई 2021। मुख्यमंत्री भूपेश बघेल अपन रायपुर निवास कार्यालय म आयोजित वर्चुअल कार्यक्रम म बिलासपुर म 93 करोड़ 70 लाख रूपिया के लागत के अरपा उत्थान अउ तट संवर्धन बुता के शिलान्यास करही। बिलासपुर स्मार्ट सिटी लिमिटेड डहर ले आयोजित अरपा उत्थान अउ तट संवर्धन बुता के शिलान्यास कार्यक्रम के अध्यक्षता गृहमंत्री अउ जिला के प्रभारी मंत्री ताम्रध्वज साहू करही अउ विशिष्ट अतिथि के रूप म नगरीय प्रशासन अउ विकास विभाग के मंत्री डॉ. शिवकुमार डहरिया वर्चुअल रूप ले जुड़ही। बिलासपुर म जल संसाधन विभाग के प्रार्थना सभा कक्ष म आयोजित कार्यक्रम म अतिथि के रूप म सांसद अरूण साव, संसदीय सचिव श्रीमती रश्मि आशीष सिंह, महापौर रामशरण यादव, विधायक शैलेश पाण्डेय, जिला पंचायत अध्यक्ष अरूण सिंह चौहान, निगम के सभापति शेख नजीरूद्दीन अउ अटल श्रीवास्तव मौजूद रइही। ए कार्यक्रम म अरपा तट संवर्धन म एक वीडियो के प्रस्तुतिकरण भी करे जाही।