अंजोर.रायपुर, 26 मई 2021। कलेक्टर अउ जिला दंडाधिकारी डॉ एस भारतीदासन ह एनएसएपी ले संचालित पेंशन योजना के हितग्राही मनके डिजिटाइजेशन आधार सीडिंग अउ पेंशन रकम के भुगतान डीबीटी के माध्यम ले शत-प्रतिशत करे के अधिकारी मन ल निर्देश दे हावयं। ओमन बताइन के जिला म संचालित सामाजिक मदद कार्यक्रम अन्तर्गत पेंशन मिलइया सबो हितग्राही मनके एनएसएपी के पोर्टल म शतप्रतिशत आधार सीडिंग अउ डिजिटाईजेशन करे जाना हावय। संग ही मृत लापाता हितग्राही, डूप्लीकेट हितग्राही अउ इनवैलिड डाटा ल एनएसएपी के पोर्टल ले त्यरित हटाये अउ सुधारे बुता ल जनपद पंचायत अउ नगरीय निकाय मनले होवय।
कलेक्टर ह निकाय म आधार सीडिंग के बुता रूचिपूर्वक करे के निर्देश अधिकारी मन के दे हावय। सबो पेंशन योजना मन म केन्द्र पोषित अउ राज्य पोषित पेंशन योजना मन के हितग्राही के आधार सीडिंग जनपद पंचायत अउ नगरीय निकाय म कम होना चिंताजनक हावय। ये शासन के अत्यंत प्राथमिकता के बुता हावय। ओमन नगर पालिका निगम बिरगांव अउ रायपुर के आयुक्त, सबो जनपद पंचायत के मुख्य कार्यपालन अधिकारी अउ नगरी निकाय ल मुख्य नगर पालिका अधिकारी मन ल चिट्ठी प्रेषित करिन हावय के व्यक्तिगत रूचि लेके सबो पेंशन योजना मन के हितग्राही के शतप्रतिशत आधार सीडिंग के बुता डिजिटाईजेशन,मृत लापाता हितग्राही डुप्लीकेट हितग्राही अउ इनवेलिड डाटा के 15 दिन के भीतर एनएसएपी के पोर्टल म इंद्राज पूरा करे जाना सुनिश्चित करे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।