अंजोर.बलौदाबाजार, 26 मई 2021। प्रदेश म दारू के नशा ह अतेक गाहदे हावय के लागथे सरकारी ठेका बंद हो जही तभो ले हाथ भट्ठी वाले मन पुरो डरही। आए दिन अब गांव कोति ले तको अवैध रूप ले दारू बेचे के आरो मिलते हावय। येमा पुलिस के बड़का अधिकारी मन डहर ले थाना प्रभारी मनला कार्यवाही तेज करे खातिर निर्देशित करते ही धरपकड़ चलतेच हावय।
मिले आरो के मुताबिक चौकी सोनाखान थाना कसडोल के ग्राम बलार नवागांव म अवैध हाथ भट्ठी के बने महुआ दारू बेचे खातिर लेगत आरोपी मन उपर कार्यवाही करे गे हावय। पुलिस के बताती आरोपी तिर ले 07 लीटर महुआ दारू कीमती 700 रुपिया अउ घटना म प्रयुक्त मोटर सायकल जप्त करे गे हावय। आरोपी मनके नाम धमेद्र साहू पिता अशोक साहू उम्र 27 साल, राज कुमार साहू उर्फ पंडा साहू पिता मनहरन साहू 30 साल निवासी महमाया पारा कसडोल बताये गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।