अंजोर.बलौदाबाजार, 26 मई 2021। इन्स्टाग्राम एप के माध्यम ले लइका के अश्लील विडियो वायरल करना परगे भारी। चाइल्ड पोर्नोग्राफी सर्च करे या ओकर ले जुड़े सामग्री ल कोनो ल भेजना प्रतिबंधित करे गे हावय। चाइल्ड पोर्नोग्राफी देखे या सर्च कइया के खिलाफ होही सख्त ले सख्त कार्रवाई। वरिष्ठ अधिकारी मन के मार्गदर्शन म चाइल्ड पॉर्नोग्राफी के मामला म 03 लोगन के खिलाफ कार्यवाही करे गे हावय जेकर खिलाफ आईटी एक्ट के तहत अपराध पंजीबद्ध करके गिरफ्तार करे गे हावय।
बलौदाबाजार के अपराध क्र 276, 277, 278/2021 धारा 67बी आई टी एक्ट के आरोपी मनला रिमाण्ड बर पेश करे गिस। पुलिस के बताती आरोपी 01. युगल किशोर यादव निवासी सिविल लाईन बलौदाबाजार, 02. संजीव यादव निवासी बलौदाबाजार, 03. सुभम सोनी निवासी जुन्ना बस्ती बलौदाबाजार हावय। मामला ए रकम ले हावय के आने-आने सोशल मिडिया म महिला अउ बच्चा मनले संबंधित रिहिन, अपराध के जांच भारत सरकार के आने-आने शाखा के माध्यम ले चाइल्ड पोर्नोग्राफी ल पूरा रकम ले प्रतिबंधित करके म अपन नजर बनाए हावय संग ही यदि कोनो मनखे इंटरनेट म चाइल्ड पॉर्नोग्राफी सर्च करत हावय या ओकर ले कोनो जुड़े सामग्री के आदान करत हावय, वायरल करता हावय त उंकर खिलाफ माननीय सुप्रीम कोर्ट के आदेश मुताबिक सख्त ले सख्त कार्यवाही होही।
युगल किशोर यादव, संजीव यादव, सुभम सोनी के डहर ले चाइल्ड पॉर्नोग्राफी के अश्लील वीडियो डाउनलोड करके इंस्टाग्राम म अपलोड करके वायरल करे गे रिहिस। जेन म ये आरोपी मन ले पूछताछ करके मोबाइल फोन ल चेक करे गिस, जेन इंस्टाग्राम म लइका ले संबंधित अश्लील वीडियो ल डाउनलोड करे अउ वायरल करे पाये गिस। तीनों आरोपी मन ले उपयोग करे गे मोबाइल अउ सिम जप्त करे गिस अउ तीनों आरोपी मन के खिलाफ अपराध पंजीबद्ध करके ती जुडिशल रिमांड म जेल भेज दे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।