अंजोर.रायगढ़, 21 मई 2021। लॉकडाउन के सख्ती ले पालन कराये जाये के बाद ले शहर म कोरोना संक्रमित मरीज मन के मिलना गांव के अपेक्षा कम होत हावय। गांव म अभी भी लोगन बिहाव घर, गांव के निस्तारी ठउर, चौपाल जइसे जगह म मास्क अउ सोशल डिस्टेंसिंग के पालन नइ करत हावय। पुलिस अधीक्षक डहर ले गवई क्षेत्र के थाना प्रभारी ल गांव म विशेष करके बिहाव घर, निस्तारी स्थान, चौपाल म भीड़ लगाके बइठे लोगन म कार्यवाही के निर्देश दे गे हावय। निर्देश के तहत थाना लैलूगा प्रभारी निरीक्षक एल.पी. पटेल हमराह आरक्षक अमरदीप एक्का अउ मयाराम राठिया के संग गांव राजपुर, सराईपाली, बगुडेगा तनि पेट्रोलिंग करत बेरियर चेकिंग, बिना मारक के कार्यवाही, एम.व्ही. एक्ट करे जात रिहिस।
ए बखत ओला सूचना मिलिस के गांव सराईमुड़ा के जयलाल भगत पिता बलेराम भगत उमर 45 साल अपन लड़का धनतराम के बिहाव सामाजिक रीति रिवाज ले करत हावय। बिहाव म गांव चारपाली, गोपालपुर डभरा ले बहुत सगा-सोदर शामिल होए ल आये हावयं। बिहाव घर म सोशल-डिस्टेसिंग के पालन नइ करत रिहिनं हावयं न ही बिहाव म शामिल लोगन सनेटाईजर मास्क फेस कवर के प्रयोग करिन। पुलिस टीम जब बिहाव घर पहुंची त घर अन्दर इक्ट्ठा लोगन नाच गाना करत रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।