अंजोर.रायगढ़, 8 मई 2021। जिला कलेक्टर ह मेडिकल कॉलेज के निरीक्षण करत सीटी स्कैन मशीन के इंस्टालेशन बुता के जायजा लिस। ओमन इंस्टालेशन के खातिर भोपाल ले पहुंचे इंजीनियर ल सारी काम अगले 10 दिन म पूरा करके मशीन चालू करे के निर्देश दिस। ए बखत ओमन बांचे बचे बुता के संबंध म पूरा जानकारी लीस। मशीन के इंस्टालेशन करत इंजीनियर ह बताइन के सीटी स्कैन मशीन के टूल्स लगाए जात हावयं। येकर बाद मशीन के कैलीबरेट करके टेस्टिंग करे जाही। येकर संग ही यूपीएस अउ एसी के टेस्टिंग भी पूरा करे जाही। जेकर बाद मशीन उपयोग के खातिर तइयार हो जाही।
मेडिकल कॉलेज म ये मशीन चालू हो जाये ले कोविड के मरीज मन के इलाज म आसानी होही। गंभीर मरीज जेकर संक्रमण के स्तर देखे के खातिर सीटी स्कैन करना जाना जरूरी होथे, ये सुविधा अब मेडिकल कॉलेज म ही मिले लगही। येकर पहिली सीटी स्कैन के इन्स्टाल करे के खातिर पीडब्लूडी तनि ले मशीन के फाउंडेशन, एयर कंडीशनिंग अउ इलेक्ट्रिकल वर्क पूरा करे गे रिहिस। अब मशीन के इंस्टालेशन ले जुड़े तकनीकी काम करे जात हावयं।
रायगढ़ मेडिकल कॉलेज म इंस्टाल करे जात मशीन 128 स्लाइड्स के एडवांस कैपेसिटी वाला हावय। ये पूरा प्रदेश के मेडिकल कॉलेज म इन्सटाल्ड सबले आधुनिक मशीन हावय। 128 स्लाइड होए के सेती ये काफी कम समय म स्कैनिंग पूरा कर लेत हावय अउ कवरेज एरिया भी जादा होथे। येकर ले मिले वाला इमेजेस के स्पष्टता भी जादा होथे। कोविड मरीज मन के फेफड़े म संक्रमण के स्तर के जांच के संग ही ये मशीन सिर के चोट अउ मस्तिष्क म खून जमना, ब्रेन ट्यूमर, पैरालिसिस अउ आन बीमारी, रीढ़ के हड्डी, पेट अउ चेस्ट ले जुड़े रोग अउ आने-आने रकम के कैंसर के पहचान अउ बढि़या उपचार म अत्यंत उपयोगी सिद्ध होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।