अंजोर.कांकेर, 8 मई 2021। जिला म 18 ले 44 साल उमर वर्ग के सबो लोगन ल कोविड टीकाकरण आज ले शुरू हो गे हावय। जिला मुख्यालय कांकेर म शासकीय उत्कृष्ट अंग्रेजी माध्यम उच्चतर माध्यमिक विद्यालय नरहरदेव ल टीकाकरण केन्द्र बनाये गे हावय, येकर अलावा सबो विकासखण्ड म भी टीकाकरण केन्द्र बनाये गे हावय, जिहां अंत्योदय, बीपीएल अउ एपीएल परिवार के 18 ले 44 साल उमर वर्ग के हितग्राही मन के टीकाकरण करे गिस। जिला टीकाकरण अधिकारी डॉ. आई. के. सोम ह आज सामुदायिक स्वास्थ्य केन्द्र चारामा म बनाये गे टीकाकरण केन्द्र अउ शासकीय उत्कृष्ट अंग्रेजी माध्यम उच्चतर माध्यमिक विद्यालय नरहरदेव टीकाकरण केन्द्र कांकेर के निरीक्षण करके बेवस्था के जानकारी भी लीस।
ओमन बताइन के संझा 04 बजे तक कांकेर जिला म 869 लोगन के टीकाकरण करे गिस, जेमा अंत्योदय परिवार के 48 हितग्राही, बीपीएल परिवार के 266 अउ एपीएल परिवार के 555 हितग्राही शामिल हावय। टीकाकरण केन्द्र सामुदायिक स्वास्थ्य केन्द्र चारामा म अंत्योदय परिवार के 09, बीपीएल 12 अउ एपीएल 65 अउ शासकीय उत्कृष्ट अंग्रेजी माध्यम उच्चतर माध्यमिक विद्यालय नरहरदेव म बीपीएल 08, एपीएल 103 अउ सामुदायिक स्वास्थ्य केन्द्र भानुप्रतापपुर म अंत्योदय परिवार के 03, बीपीएल 32, एपीएल 150 अउ सामुदायिक स्वास्थ्य केन्द्र दुर्गूकोंदल बीपीएल 08, एपीएल 37 अउ कोयलीबेड़ा विकासखण्ड के टीकाकरण केन्द्र सिविल अस्पताल पखांजूर म अंत्योदय 29, बीपीएल 154, एपीएल 90 अउ सामुदायिक स्वास्थ्य केन्द्र नरहरपुर म अंत्योदय 04, बीपीएल 36, एपीएल 60 अउ टीकाकरण केन्द्र सामुदायिक स्वास्थ्य केन्द्र अंतागढ़ म अंत्योदय परिवार के 03 हितग्राही, बीपीएल के 16 अउ एपीएल परिवार के 50 हितग्राही मन डहर ले संझा 04 बजे तक अपन टीकाकरण कराइन। जिला टीकाकरण अधिकारी डॉ. आई. के. सोम ह जिला के नागरिक मनले टीकाकरण केन्द्र म सोशल डिस्टेंसिंग के पालन करे के अपील जिला के नागरिक मनले करे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।