Raigarh Police : वीआईपी कार म ओडिशा ले गांजा तस्करी करत 02 आरोपी पकड़ाइस

• बिरनीपाली बेरियर के पास नाकेबंदी करके पकडि़स डोंगरीपाली पुलिस

• कार म ढाई लाख रूपिया के 52 किलो गांजा बरामद, बिलासपुर के आए दुनों आरोपी

अंजोर.रायगढ़, 31 मई 2021। पुलिस अधीक्षक संतोष सिंह के निर्देशन म डोंगरीपाली पुलिस डहर ले आज मादक पदार्थ गांजा के अवैध तस्करी ल विफल करत बड़ी कार्यवाही करे गिस। मुखबिर सूचना म थाना डोंगरीपाली प्रभारी निरीक्षक जितेन्द्र एसैया डहर ले इंटर स्टेट बिरनीपाली बेरियर के पास स्टाफ लगाके डस्टर गाडी म गांजा तस्करी करत दू लोगन ल गिरफ्तार करे गे हावय, जेकर कार ले 52 किलो गांजा के बरामदगी होए हावय।

जानकारी के मुताबिक टीआई डोंगरीपाली जितेन्द्र एसैया के आज बिहनिया मुखबिर ले ओडिशा सोहेला ले बरमकेला के तनि एक वीआईपी कार म गांजा लेके दू लोगन के आने के सूचना मिले म, वरिष्ठ अधिकारी मन के अवगत करात उंकर निर्देशन म हमराह स्टाफ कार्यवाही के खातिर बिरनीपाली बेरियर के आगे अपन स्टाफ लगाके रखे अउ बेरियर के कुछ आगू स्वयं नाकेबंदी करके मुखबिर डहर ले बताये गे वाहन के इंतजार करे गिस। बिहनिया करीब 9 बजे सोहेला ले बरमकेला के तनि आत डस्टर कार CG-10-NA-9055 ल मेन रोड़ म रोका गिस।

टीआई जितेन्द्र एसैया कार म बइठे दू लोगन के कार्यवाही ले अवगत कराके पूछताछ करे म दुनों नाम पता बताये म टालमटोल करत रिहिस जेकर हावभाव ले सन्दिग्ध लगे म वाहन के तलाशी लिस। कार ल चेक करे जाये म कार के  डिक्की म 1-1 किलो के 52 पैकेट टेप ले लपेटा गांजा मिलिस। सख्ती ले पूछताछ करे म वाहन के चालक अपन नाम जगतराम धुरी पिता स्व. बहुरिक धुरी उमर 31 साल सा. मंगला धुरीपारा थाना सिविल लाईन जिला बिलासपुर अउ बंगल शीट म बइठे आदमी अपन नाम चन्द्र प्रकाश कौशिक उर्फ जुगनू पिता संतोष कौशिक उमर 33 साल सा. बहतरई थाना सकरी जिला बिलासपुर के रहइया बताये हाबे।

आरोपी मन ले कुल 52 किलो गांजा कीमती 2,50,000 अउ डस्टर कार कीमती करीब 8,00,000 रुपिया जप्त करे गे हावय। आरोपी मन के विरूद्ध थाना डोगरीपाली म 20( NDPS Act) के कार्रवाई करके रिमांड म भेजा गे हावय। मिले आरो के मुताबिक ये कार्यवाही म थाना प्रभारी डोंगरीपाली निरीक्षक जितेन्द्र एसैया, सउनि रामकुमार मानिकपुरी, आरक्षक विनय तिवारी, सुशील यादव, जगजीवन जोल्हे, कृष्ण डनसेना, शांति मिरी अउ किशोर एक्का के महत्वपूर्ण भूमिका रिहिस।