मीडिया कर्मी मन बर करिस सीएम बड़का घोषणा : कोरोना ले मउत म परिजन ल पांच लाख अउ कोविड इलाज खर्चा उठाही सरकार

अंजोर.रायपुर, 30 मई 2021। कोरोना ले दिवंगत होए मीडिया कर्मी के आश्रित परिजन ल छत्तीसगढ सरकार पांच लाख रूपिया के आर्थिक मदद करही। ये मदद संचार प्रतिनिधि कल्याण मदद नियम के तहत् दे जाही। येकर अलावा जेन मीडिया कर्मी कोविड ले पीड़ित होए म अस्पताल म भरती होके इलाज कराही, उंकर इलाज म आये खर्च के प्रतिपूर्ति भी नियम के तहत् राज्य शासन करही। कोविड पीडित संचार प्रतिनिधि मन के परिवार के जानकारी जनसम्पर्क संचालनालय डहर ले अपन एकत्र करे जात हावय।

कोरोना ले दिवंगत मीडिया कर्मी के आश्रित परिजन या इलाज करइया मीडियाकर्मी करार प्रपत्र म आवेदनपत्र अभिलेख सहित सम्बन्धित जिला जनसम्पर्क कार्यालय म जमा कर सकत हावयं। मीडिया कर्मी के ये आर्थिक मदद दे खातिर पत्रकार कल्याण कोष समिति के बइठक लघियात ही बुलाई जाही। जानबा हो के आन राज्य ले काफी पहिली मुख्यमंत्री भूपेश बघेल ह अपन बजट भाषण 2021-22 म मीडिया कर्मी के असामयिक मृत्यु म संचार प्रतिनिधि कल्याण सहायतार्थ नियम के तहत् आर्थिक मदद रकम के दू लाख रूपिया ले बढ़ाके पांच लाख रूपिया करे जाये के घोषणा करे रिहिस। मुख्यमंत्री श्री बघेल के घोषणा के मुताबिक जनसम्पर्क विभाग डहर ले नियम म जरूरी सुधार करके राजपत्र म प्रकाशन के खातिर भेजे जा चुके हावय। मुख्यमंत्री श्री भूपेश बघेल के घोषणा मुताबिक आर्थिक मदद म क्रियान्वयन शुरू करके दे गे हावय।