अंजोर.रायगढ़, 31 मई 2021। हाइवे म गाड़ी के सघन जांच के निर्देश म घरघोड़ा पुलिस डहर ले घरघोड़ा-लैलूंगा रोड औराईमुडा चौंक म गाड़ी के जांच करे जा रिहिन, ए बखत ट्रक वाहन क्रमांक NL-01-L-1264 ल रोक के चेक करे गिस जेमा लोहा, टीना उककबाड समान लोड रिहिस। वाहन चालक टिंकु मिश्रा पिता विरेन्द्र मिश्रा उमर 31 साल सा. जमशेदपुर (झारखंड) ल कबाड के संबंध म पूछताछ करे म कोनो संतोषप्रद जवाब नइ दे पाये अउ न ही लोड़ कबाड के संबंध म कोनो कागजात नइ पेश करे गिस। जेकर ले घरघोड़ा पुलिस डहर ले चोरी के संपत्ति होए के संभावना म वाहन चालक ले ट्रक वाहन के जप्त करके वाहन के वजन कराइन गिस। वाहन म कबाड समान कुल 18.460 MT कीमती करीब 7,73,289 के जप्त करके आरोपी वाहन चालक के विरूद्ध इस्त.क्र. 07/2021 धारा 41(1-4) जा.फौ./379 भा.द.वि. के कार्यवाही करके आरोपी ल न्यायिक रिमांड म भेजा गे हावय। पुलिस कोति ले मिले आरो के मुताबिक ये कार्रवाई म टीआई घरघोड़ा अमित सिंह अउ सहायक उपनिरीक्षक चंदन सिंह नेताम, प्रधान आरक्षक मनोज मरावी के जबर भूमिका रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।