चोंगी-माखूर छोड़ जिनगी ले नता जोड़ : 31 मई विश्व तम्बाकू निषेध दिवस

अंजोर.रायपुर, 30 मई 2021। विश्व तम्बाकू निषेध दिवस ए साल कमिट टू क्विट टोबैको थीसम म मनाये जाही। 31 मई के विश्व तम्बाकू निषेध के मउका म तम्बाकू के सेवन ले होए वाला दुष्प्रभाव अउ स्वास्थ्य जोखिम के बारे म लोगन म जागरूकता लाये जाही। तम्बाकू निषेध दिवस के दिन जीवन म कभू भी कोनो भी रकम ले तम्बाकू उत्पाद के सेवन नइ करे अउ अपन परिजन या परिचित ल भी तम्बाकू उत्पाद अउ कोनो भी नशा के सेवन नइ करे के खातिर प्रेरित करे के शपथ ले जाही। 

तम्बाकू के सेवन कतका खतरनाक हावय येकर अंदाजा ए बात ले लगाये जा सकत हावय के तम्बाकू के धूआ म 7000 रकम ले के केमिकल होथे। 250 रकम के केमिकल कैंसर के कारण बनथे। तम्बाकू के सेवन ले 12.80 लाख लोगन के मउत हर साल होवत हावय। तम्बाकू के सेवन ले न केवल कैंसर, ह्रदयरोग, स्ट्रोक, फेफड़ ले सम्बंधित, क्रोनिक पल्मोनरी डिजीज जइसे गंभीर बीमारी होथे बल्कि अभी के बेरा म दुनिया भर म फैले कोविड-19 जइसे महामारी ले गंभीर रूप ले संक्रमित होए अउ मौत के खतरा भी जादा हावय।

राज्य म राष्ट्रीय तम्बाकू रोकथाम कार्यक्रम के बढि़या संचालन अउ सिगरेट अउ आन तम्बाकू उत्पाद अधिनियम कोटपा, 2003 राष्ट्रीय तम्बाकू रोकथाम कार्यक्रम के संचालन तम्बाकू उत्पाद के सेवन के दुष्प्रभाव के प्रति जागरूकता लाने अउ सिगरेट अउ आन तम्बाकू उत्पाद अधिनियम कोटपा, 2003 के प्रावधान के पालन ल सुनिश्चित करे बर सबो जिला म संचालित करे जा हावय। तम्बाकू के सेवन ले पीड़ित मनखे मन के जांच अउ तम्बाकू छोड़े के सम्बन्ध म सलाह अउ उपचार बर तम्बाकू नशा मुक्ति केंद्र के स्थापना 24 जिला म करे गे हावय। संग ही राज्य के 6 दन्त-चिकित्सा महाविद्यालय म भी तम्बाकू नशा मुक्ति केंद्र के स्थापना करे गे हावय। 

तम्बाकू छोड़े के फायदा 

20 मिनट बाद ही बड़हे धड़कन अउ बीपी सामान्य होए लगथे। 12 घंटा म खून म बड़हे कार्बन मोनो आक्साइड के स्तर घटे लगथे। 48 घंटा म मुहँ के टेस्ट अउ सूंघे के क्षमता बढि़या होए लगथे। 2 सप्ताह 3 महीना म हार्ट अटैक के खतरा कम होए लगथे, ब्लड सर्कुलेशन सुधरथे। फेफड़ के कार्यप्रणाली बढि़या होए लगथे। एक ले 9 महीना म शॉर्टनेश ऑफ ब्रीद घटथे, सांस के फूलना कम होथे। एक साल म ही हृदय के धमनी ले जुड़े खतरा आधा हो जथे।