जैव विविधता के महत्ता जन-जन तक पहुंचाये खातिर फोटोग्राफी, निबंध अउ पोस्टर प्रतियोगिता

अंजोर.रायपुर, 13 मई 2021। अंतर्राष्ट्रीय जैव विविधता दिवस के मउका म 22 मई के छत्तीसगढ़ राज्य जैव विविधता बोर्ड डहर ले ऑनलाइन कला प्रतियोगिता के आयोजन करे गे हावय। बोर्ड डहर ले ए प्रतियोगिता ल अउ जादा सार्थक अउ प्रभावी बनाये के खातिर ‘छत्तीसगढ़ के अद्भुत जैव विविधता‘ के थीम म फोटोग्राफी अउ ‘जैव विविधता अउ स्थानीय चिकित्सकीय परंपरा के थीम म निबंध अउ पोस्टर प्रतियोगिता‘ के ऑनलाइन आयोजन करे जात हावय। 

येकर खातिर प्रतिभागी अपन एन्ट्री केवल गुगल फर्म के माध्यम ले भेज सकत हावयं। ए प्रतियोगिता के एन्ट्री भेज के आखरी तिथि 18 मई 2021 के संझा 5 बजे तक करार हावय। प्रतियोगिता ल आसान बनाये के खातिर बोर्ड डहर ले व्हाट्सएप नंबर 8827310701 भी जारी करे गे हावय। ए संबंध म वन अउ जलवायु परिवर्तन मंत्री मोहम्मद अकबर ह बताइन के जैव विविधता के महत्व ल जन-जन तक पहुंचाये के खातिर ए कला प्रतियोगिता के आयोजन करे जात हावय। 

ये प्रतियोगिता हर वर्ग ल जैव विविधता के बारे म अउ जानकारी देही अउ रचनात्मक गतिविधि के खातिर ओला प्रेरित भी करही। ए परिप्रेक्ष्य म छत्तीसगढ़ राज्य जैव विविधता बोर्ड डहर ले अंतर्राष्ट्रीय जैव विविधता के मउका म ऑनलाइन कला प्रतियोगिता के आयोजन करे गे हावय। प्रधान मुख्य वन संरक्षक अउ छत्तीसगढ़ राज्य जैव विविधता बोर्ड के अध्यक्ष राकेश चतुर्वेदी ह बताइन के बोर्ड डहर ले समाज के सबो वर्ग के सहयोग ले राज्य म ये जरूरी धरोहर के संरक्षण के खातिर प्रयास सरलग जारी हावय। 

ए प्रतियोगिता ले लोगन म निश्चित ही जैव विविधता के प्रति जागरूकता बाढ़ही। ओमन ए प्रतियोगिता म लोगन के जादा ले जादा संख्या म भाग ले अउ जैव विविधता के संरक्षण म सहभागी बने के अपील करे हावय। इही रकम ले बोर्ड के सदस्य सचिव अरूण कुमार पाण्डेय ह बताइन के ए प्रतियोगिता के माध्यम ले नागरिक छत्तीसगढ़ के जैव विविधता म अपन रचनात्मकतापूर्ण कला प्रस्तुत कर सकही। ओमन बताइन के प्रतियोगिता के तहत सबो प्रतिभागी के एन्ट्री के समीक्षा बइठक करे के बाद विजेता के घोषणा करे जाही। जेमा विजेता मनल पुरस्कृत करे जाही अउ सबो प्रतिभागी ल प्रशस्ति पाती दे जाही।

पढ़व कोन म कतका हावय ईनाम- 

• फोटोग्राफी प्रतियोगिता- पहिली ईनाम 10 हजार रूपिया, दूसरइया ईनाम- 8 हजार रूपिया अउ तीसरा ईनाम- 6 रूपिया हावय येकर अलावा 10 झिन ल सांत्वना पुरस्कार 2,000 रूपिया दे जाही। 
• पोस्टर प्रतियोगिता- पहिली ईनाम 5 हजार रूपिया, दूसरइया ईनाम 4 रूपिया अउ तिसरइया ईनाम 3 रूपिया हावय येकर अलावा 10 झिन ल सांत्वना पुरस्कार 2,000 रूपिया दे जाही। 
• निंबध प्रतियोगिता- पहिली ईनम 5 हजार रूपिया, दूसरइया ईनाम 4 हजार रूपिया अउ तिसरइया ईनाम 3 हजार रूपिया हावय येकर अलावा 10 झिन ल सांत्वना पुरस्कार 2,000 रूपिया दे जाही।