अंजोर.रायपुर, 16 मई 2021। प्रधानमंत्री श्री नरेन्द्र मोदी ह आज फोन म छत्तीसगढ़ के मुख्यमंत्री भूपेश बघेल ले प्रदेश म कोविड-19 के संबंध म विस्ता र ले गोठबात करिन। मुख्यमंत्री श्री बघेल ह प्रधानमंत्री ले किहिन के कोरोना संक्रमण के रोकथाम के खातिर उंकर अउ केन्द्र सरकार डहर ले समय-समय म जारी दिशा-निर्देश के छत्तीसगढ़ डहर ले पूरा पालन करे जात हावय। राज्य म टेस्टिंग के संख्या म बढ़ोतरी करे गिस हावय। ट्रेसिंग म भी बाढ़हे हावय। पॉजिटिविटी दर म सरलग कमी आत हावय, मरीज मन के संख्या घटत हावय। प्रदेश के गवई क्षेत्र म विशेष धियान दे जात हावय। जेन इलाका म अभी भी केस बढ़ हावयं उहां उपराहा टीम लगाये गे हावयं।
मुख्यमंत्री ह प्रधानमंत्री ल ये भी जानकारी दीस के प्रदेश म शासकीय अउ निजी कोविड अस्पताल मन अउ केयर सेंटर के बेड के पूरा जानकारी ल आनलाईन करे गे हावय ताकि कोनो भी मनखे आसानी ले इंकर लाभ ले सके। मुख्यमंत्री श्री बघेल ह प्रधानमंत्री ल राज्य म वैक्सीनेशन के कमी की तनि धियान आकृष्ट करत पर्याप्त मात्रा म वैक्सीन उपलब्ध कराये के अरजी करे संग ही ओमन प्रधानमंत्री ले ये भी अरजी करिन के अभी के बेरा म आक्सीजन के पर्याप्त मात्रा उपलब्ध हावय त 80 प्रतिशत अस्पताल मन के अउ 20 प्रतिशत छोटे-मोटे उद्योग ल उपलब्ध कराये के मंजूरी दे जाए ताकि ये उद्योग भी अपन काम सुरू करके सके। प्रधानमंत्री श्री नरेन्द्र मोदी ह मुख्यमंत्री श्री भूपेश बघेल के ये दोनो मांग मन म सहानुभूति पूर्वक विचार करे के आश्वासन दे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।