‘प्रधानमंत्री गरीब कल्याण अन्न योजना’ ले राशन ल बेरा म बांटे के निर्देश, उचित मूल्य के दुकान सातो दिन खुलही

अंजोर.नई दिल्ली ए। देश के कुछ राज्य अउ केंद्र शासित प्रदेश म लॉक-डाउन चलत हावय, जेकर सेती ले उचित मूल्य के दुकान (एफपीएस) के कामकाज के घंटा म कमी आ सकत हावय, इही ल देखत खाद्य अउ सार्वजनिक वितरण विभाग डहर ले 15 मई के एक सलाह जारी करे गे हावय। ए सलाह के मुताबिक सबो राज्य अउ केंद्र शासित प्रदेश ल महीने के सबो दिन म उचित मूल्य के दुकानें खुला रखे अउ लाभार्थी मन के प्रधानमंत्री गरीब कल्याण अन्न योजना- पीएमजीकेएवाई अउ राष्ट्रीय खाद्य सुरक्षा अधिनियम- एनएफएसए खाद्यान्न के वितरण पूरा दिन म क्रमबद्ध तरीका ले करना चाही। 

ए बखत उचित कीमत के दुकान म सही सुरक्षित दूरी अउ कोविड-19 प्रोटोकॉल के पालन होना सुनिश्चित करे जाना चाही। एला सुविधाजनक बनाये के खातिर राज्य अउ केंद्र शासित प्रदेश ले ये भी सुनिश्चित करे के अरजी करे गे हावय के, उचित मूल्य के दुकान के सरलग बाजार ल खुले के प्रतिबंधित घंटा ले अलग छूट दे जाए। ये उपाय करे ले ये करार होही के, विभाग डहर ले जारी सलाह के मुताबिक ही राज्य अउ केंद्रशासित प्रदेश डहर ले पीएमजीकेएवाई अउ एनएफएसए के तहत खाद्यान्न सबो एनएफएसए लाभार्थी मन के कोविड -19 प्रोटोकॉल के विधिवत पालन करत सुरक्षित अउ समयबद्ध तरीका ले उपलब्ध कराये जाही। सबो राज्य अउ केंद्रशासित प्रदेश ले ये अरजी करे गे हावय के वो लाभार्थी मन ल बिना कोनो कठिनाई के उचित मूल्य दुकान म खाद्यान्न के समय म वितरण सुनिश्चित करे के खातिर जरूरी कदम उठाएं अउ ए संबंध म करे गे उपाय के व्यापक प्रचार भी करें।

ए मदद ले "प्रधानमंत्री गरीब कल्याण अन्न योजना" पीएम-जीकेएवाई के कार्यान्वयन फ़िलहाल दू महीना के बखत यानी मई अउ जून 2021 के खातिर उही तरीका ले शुरू करे गे हावय, जइसे पहिली के रकम ले मुफ्त खाद्यान्न (चावल / गेहूं) के एक अलावा कोटा के मुताबिक प्रति मनखे प्रति महीना 5 किलोग्राम राशन प्रदान करके करे गे रिहिस। ये वितरण बुता ले एनएफएसए के दुनों श्रेणी अर्थात् अंत्योदय अन्न योजना (एएवाई) अउ प्राथमिकता वाला परिवार (पीएचएच) के तहत कवर करे गे लगभग 80 करोड़ लाभार्थी मनल उंकर सरलग मासिक एनएफएसए पात्रता ले जादा खाद्यान्न मिलही।