अंजोर.नारायणपुर, 26 मई 2021। बिहनिया कैम्प कड़ेमेटा ले डीआरजी के पुलिस पार्टी एम्बुशिंग म गांव बेचा तनि रवाना करे गे रिहिस। एम्बुश पाछु एरिया डामिनेशन करत पार्टी वापस आत रिहिस के बेचा मोड़ (कैम्प कड़ेमेटा ले करीबन 01 किमी, थाना छोटेडोंगर क्षेत्र) के पास रोड ले करीबन 10 मीटर अंदर जंगल म 01 नग प्रेशर कुकर आईईडी (करीबन 05 किलोग्राम) बरामद करे गिस। जेला बीडीएस टीम नारायणपुर डहर ले सुरक्षा ल देखत मउका म विस्फोट करके नष्ट करे गिस।
पुलिस कोति ले विज्ञप्ति म बताये गिस के इही रकम ले कैम्प कड़ेनार ले जिला बल अउ आईटीबीपी के संयुक्त पुलिस पार्टी आरओपी ड्यूटी म बुरगुम तनि रवाना करे गे रिहिस के रोड ओपनिंग पार्टी डहर ले गांव चिकपाल (थाना छोटेडोंगर क्षेत्र) के पास रोड ले करीबन 40 मीटर अंदर जंगल म 02 नग प्रेसर कुकर आईईडी (करीबन 03-03 किलोग्राम) बरामद करे गिस, जेला बीडीएस टीम नारायणपुर डहर ले सुरक्षा ल देखत मउका म विस्फोट करके नष्ट करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।