अंजोर.नारायणपुर, 26 मई 2021। पुलिस डहर ले चलाये जात सरलग नक्सल विरोधी अभियान के तहत थाना धनोरा ले जिला बल अउ डीआरजी नारायणपुर के संयुक्त पुलिस पार्टी नक्सल गश्त सर्चिंग म भट्टबेड़ा, रायनार के तनि निकले रिहिस। मुखबीर के आरो म गांव भट्टबेड़ा ल घेराबंदी अउ दबिश देके बुटलू पोड़यामी पिता स्व. चमरू पोड़यामी उमर 50 साल जाति माड़िया निवासी घोटुलपारा भट्टबेड़ा थाना ओरछा (भटट्बेड़ा जनताना सरकार, जंगल शाखा सदस्य), पितरू कोर्राम पिता कोपा कोर्राम उमर 45 साल जाति गोंड निवासी स्कूलपारा भट्टबेड़ा (भट्टबेड़ा जनताना सरकार, कृषि शाखा सदस्य) ल पकड़े गिस। जेकर ले पूछताछ करे म सुरक्षा बल ल क्षति पहुंचाये के उद्देश्य ले 4.08.2019 के बटुमपारा मंदिर के पास रोड किनारे आईईडी लगाये के घटना म शामिल होना स्वीकार करे करे हावय। गिरफ्तार करके उनला माननीय न्यायालय के समक्ष पेश करे गिस।
पुलिस कोति ले जारी विज्ञप्ति के मुताबिक अइसने छोटेडोंगर पुलिस पार्टी डहर ले नारायणपुर म दशाराम उर्फ विश्वनाथ कोर्राम पिता अंतुराम कोर्राम उमर 33 साल जाति गोड निवासी मढ़ोनार (मिलिशिया सदस्य) अउ दशमु राम उर्फ उमेश कोर्राम पिता स्व. मनारू राम कोर्राम उमर 40 साल जाति गोड़ निवासी मढ़ोनार (मिलिशिया सदस्य) ल पकड़े गिस, पूछताछ करे म थाना छोटेडोंगर क्षेत्रान्तर्गत दिनांक 23.03.2021 के गांव बकिंनतोड़ पुलिया के पास पुलिस वाहन ल बम विस्फोट करके क्षति पहुचाये के घटना जेमा 5 जवान शहीद अउ 22 जवान घायल होए रिहिस, म शामिल होना स्वीकार करे हावय। गिरफ्तार करके माननीय न्यायालय के समक्ष पेश करिन गे।
जानबा होवय के सुन्दरराज पी पुलिस महानिरीक्षक बस्तर रेंज, विनीत खन्ना पुलिस उप महानिरीक्षक कांकेर रेंज, उत्तर बस्तर कांकेर मोहित गर्ग, पुलिस अधीक्षक नारायणपुर नीरज चंद्राकर, अतिरिक्त पुलिस अधीक्षक नारायणपुर अउ अर्जुन कुर्रे, पुलिस अनुविभागीय अधिकारी छोटेडोंगर के निर्देशन म डीआरजी, जिला बल, छसबल, एसटीएफ, आईटीबीपी, डहर ले क्षेत्र म सरलग नक्सल विरोधी अभियान संचालित करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।