जुअडि़हा मनके ठिहा बने महासमुंद म पुलिस के छापा, फॉर्म हाउस ले 11 जुआड़ी नगद 41,24,705 धरे पकड़ाइस

अंजोर.महासमुंद, 18 मई 2021। जुअडि़हा मन उपर बड़का कार्यवाही करत महासमुंद पुलिस ह 11 जुआड़ी ल पकड़े हावय। आरोपी मनला गिरफ्तार करके नगद 41,24,705 अउ उंकर वाहन मिलाके करोड़ो के जप्ती बनाये हावय। छत्तीसगढ़ के महासमुंद ल लोगन मन अब जुआ खेले के ठिहा बनावत हावय। मिले आरो के मुताबिक उहां महासमुंद, बागबाहरा अउ रायपुर, दुर्ग, भिलाई के अलावा उडि़सा के जुआड़ी मन जुरियाथे अउ लाखों के फड़ माते रिथे। जुअडि़हा मन आने-आने जिला ले ताश खेले खातिर बड़े बड़े लक्जमरी गाड़ी म जाथे। उहां के लोगन मन फार्म हाउस म हाई फाई बेवस्थाड़ तको रखे रिथे। फेर जब पुलिस के सपेटा करथे तव बड़े खिलाड़ी थर खा जथे। 

पुलिस ल मुखबीर ले सूचना मिलिस के तेन्दूकोना क्षेत्र के गांव सम्हर के नेचर बास्केट फॉर्म हाउस म गुल नाम के जुआ खेल रिहिन हावय, के सूचना ल गम्भीरता ले लेवत पुलिस अधीक्षक महासमुन्द ह सायबर सेल महासमुन्द के टीम अउ थाना तेन्दूकोना पुलिस के टीम ल पकड़े बर निर्देशित करिन। खिलाडी अतका शातिर रिहिस के पुलिस पार्टी के आये के सूचना दे के खातिर आने-जाने वाला रास्त म वाचर लगाये रिहिस अउ फॉर्म हाउस ले दूरिहा अपन वाहन ल लगाके खड़े करे रिहिस। 

सायबर सेल महासमुन्द के टीम अउ थाना तेन्दूकोना पुलिस के टीम के खातिर ये एक चुनौती रिहिस सायबर सेल महासमुन्द पुलिस के डहर ले अलग-अलग टीम बनाके बाईक अउ कार के माध्यम ले फड तक पहुचिस अउ चारों तनि ले घेराबंदी करके 11 जुआडिहा मनला पकडि़स। जेमा 1. टोनू उर्फ प्रशांत अग्रवाल पिता सूरज अग्रवाल उमर 45 साल सा. बागबाहरा महासमुन्द। 2. मनमीत गुरूदत्ता पिता बालसिंह गुरूदत्ता उमर 41 साल सा. गणेशपारा खरियार रोड ओडिसा। 3. मोहम्मद नवाब पिता मोहम्मद सुलेमान उमर 38 साल सा. हनुमान नगर कालीबाडी, रायपुर। 4. गणेश प्रसाद शुक्ला पिता देवी प्रसाद शुक्ला उमर 62 साल सा. देवेन्द्र नगर रायपुर। 5. सन्टी उर्फ हरपाल सिंह सलूजा पिता सुरजीत सिंह सलूजा उमर 46 साल सा. गुरूद्वारा पारा बागबाहरा महासमुन्द। 6. राकेश प्रसाद पिता जगन्नाथ प्रसाद उमर 47 साल सा. खुर्सीपार भिलाई, दुर्ग। 7. प्रदीप मोटवानी पिता सहजान मोटवानी उमर 38 साल सा. दीनदयाल कॉलोनी, भिलाई, दुर्ग। 8. देव कुम्हार पिता अवधराम कुम्हार उमर 57 साल सा. शितला मंदिर पुरानी बस्ती, रायपुर। 9. सुनील कुमार पिता रमेश कुमार उमर 42 साल सा. गंजपारा, रायपुर। 10. सौरभ कुमार जैन पिता सुभाष कुमार जैन उमर 30 साल सा. दीनदयाल उपाध्याय नगर, गोल चैक रायपुर। 11. योगेन्द्र गण्डेचा पिता मनसुखलाल गण्डेचा उमर 54 साल सा. बागबाहरा, महासमुन्द के निवासी हावय। 

जुआडि़हा मन तिर ले कुल नगदी रकम 4124705/- रूपिया अउ 05 लक्जरी कार अउ 12 नग आने-आने कंपनी के मंहगा मोबाईल कुल जुमला कीमती लगभग 12778705/- रू अउ गुल पासा (डाईस), टाईल्स जप्त करके जुआ एक्ट के तहत् थाना तेन्दूकोना म कार्यवाही करे गे हावय। ये सरी कार्यवाही पुलिस अधीक्षक प्रफुल्ल कुमार ठाकुर के मार्गदर्शन म अति. पुलिस अधीक्षक श्रीमती मेघा टेम्भुरकर साहू अउ अनु.अधिकारी(पु) बागबाहरा सुश्री लितेश सिंह के निर्देशन म सायबर सेल महासमुन्द प्रभारी उप निरीक्षक संजय सिंह राजपूत अउ थाना प्रभारी तेन्दूकोना हर्ष धुरंधर सउनि विजय मिश्रा, प्रआर श्रवण कुमार दास, प्रवीण शुक्ला, मिनेश ध्रुव, प्रेमलाल कर, भुनेश्वर टण्डन आर. रवि यादव, चम्पलेश ठाकुर, शुभम पाण्डेय, पीयूष शर्मा, दिनेश साहू, देव कोसरिया, शैलेन्द्र ठाकुर, संदीप भोई, ललित यादव, हेमन्त नायक, योगेन्द्र दुबे, विरेन्द्र नेताम, राजकुमार रात्रे, किशोर साहू, कमल जांगडे, त्रिलोक ठाकुर, रवि बरिहा, दुर्गा प्रसाद दीवान, लितक ठाकुर, इन्द्रजीत ठाकुर, मआर. मीरा यादव मने जबर भूमिका रिहिस।