चेम्बर ऑफ कॉमर्स ले गोठबात के बाद जरूरी दुकान के संचालन म छूट खातिर कलेक्टर ल अनुमति

अंजोर.रायपुर, 12 मई 2021। मुख्यमंत्री भूपेश बघेल ह वीडियो कॉन्फ्रेंसिंग के माध्यम ले 4 जिला के चेम्बर ऑफ कॉमर्स के प्रतिनिधी मनले कोविड-19 के संबंध म चर्चा करिन। मुख्यमंत्री श्री बघेल ह चर्चा के बखत किहिन के राज्य म सबो वर्ग के लोगन के हित के धियान म रखत होए बुता करे जात हावय। एमे व्यापार-व्यवसाय ल भी कोविड अनुकूल व्यवहार अउ शासन के दिशा-निर्देश के शत-प्रतिशत पालन सहित संचालन के जरूरत हावय। जेकर ले लोगन ल कोनो असुविधा नइ हो पाए। ओमन संबंधित जिला कलेक्टर मन ल स्थानीय परिस्थिति के अनुरूप अति जरूरी दुकान ल अलग-अलग बखत अउ समय म खोले के खातिर छूट दे के संबंध म निर्देश दिस। ओमन किहिन के एमे कहीं भी भीड़ न हो, येकर विशेष धियान रखे जाए। इही रकम ले उहां कोविड-19 के नियम के भी नियमतः पालन सुनिश्चित करे के संबंध म निर्देशित करे गिस।

मुख्यमंत्री श्री बघेल ह येकर खातिर कलेक्टर मन के चेम्बर ऑफ कॉमर्स सहित सबो वर्ग के लोगन ले चर्चा करके ओला विश्वास म लेवत जरूरी कार्रवाई सुनिश्चित करे के निर्देश दिए। सबके सहयोग ले कोरोना के जल्दीन ले जल्दीस हराना हावय। ओमन किहिन के वर्तमान म प्रदेश भर म लॉकडाउन के स्थिति म लोगन ल कोनो असुविधा न हो, येकर विशेष धियान रखे जाये। ए कड़ी म चेम्बर ऑफ कॉमर्स के प्रतिनिधी मन तको कोरोना रोकथाम के खातिर हर संभव मदद दे सहित दुकान उक के संचालन के संबंध म जरूरी सुझाव दीस। 

ए मउका म गृह मंत्री ताम्रध्वज साहू, कृषि मंत्री रविन्द्र चौबे, वन अउ जलवायु परिवर्तन मंत्री मोहम्मद अकबर सहित रायपुर, दुर्ग, राजनांदगांव अउ बिलासपुर के कलेक्टर अउ व्यापारिक प्रतिनिधि शामिल होइन। बइठक म अपर मुख्य सचिव श्री सुब्रत साहू अउ मुख्यमंत्री के सचिव श्री सिद्धार्थ कोमल सिंह परदेशी उपस्थित रिहिस।