अंजोर.रायपुर, 12 मई 2012। मुख्यमंत्री भूपेश बघेल ह कोरोना ले बचाव के खातिर राज्य के 18 ले 44 उमर के सबो वर्ग के लोगन के खातिर सुविधाजनक तरीके ले टीका लगवाये के बेवस्था सुनिश्चित करत अपन निवास कार्यालय ले वीडियो कॉन्फ्रेंसिंग के माध्यम ले सीजी टीका वेब पोर्टल के शुभारंभ करिन।
ये वेब पोर्टल चिप्स डहर ले तइयार करे गे हावय, जेमा ऑनलाईन पंजीयन के संग-साथ ये सुविधा भी उपलब्ध हावय के बिना मोबाइलधारी मनखे भी जिला प्रशासन डहर ले पंचायत, नगरीय निकाय अउ नगर निगम सहित आन ठऊर मन म स्थापित हेल्प डेस्क के सहयोग ले अपन पंजीयन ए वेब पोर्टल म कराके टीका लगवा सकत हावय।
छत्तीसगढ़ सरकार के सीजी टीका वेब पोर्टल इहां के लोगन की सामाजिक अउ भौगोलिक परिस्थिति के धियान म तइयार करे गे हावय, ताकि लोगन ल टीकाकरण के खातिर कोनो भी रकम के परेशानी झिन हो। छत्तीसगढ़ सरकार के ए अभिनव पहल ले लोगन ल अब कोरोना के टीका लगवाये के खातिर न तो लम्बा लाइन लगाये ल परही अउ नही समय गवाये ल परही। सीजी टीका वेब पोर्टल म पंजीयन के खातिर लिंक http://cgteeka.cgstate.gov.in/user-registration म जानकारी अपलोड करना होही। पंजीयन प्रक्रिया पूरा होए के बाद संबंधित मनखे के टीकाकरण के ठऊर अउ समय के जानकारी एसएमएस के जरिए मिल जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।