अंजोर.बलौदाबाजार, 12 मई 2021। विकासखण्ड मुख्यालय म ए साल ले शुरू होवइया स्वामी आत्मानन्द उत्कृष्ट अंग्रेज़ी माध्यम स्कूल म प्रवेश के खातिर आवेदन के प्रक्रिया 15 मई ले शुरू होत हावय, जेन 10 जून तक जाही। स्कूल शिक्षा विभाग के वेबसाइट म ए बखत म ऑनलाइन तरीके ले आवेदन स्वीकार करे जाही। जिला शिक्षा अधिकारी सी.एस. ध्रुव ह बताइन के नवा स्कूल म सबोच कक्षा म 40 सीट करार करे गे हावयं। कक्षा दूसरी ले 9 वीं तक अंग्रेज़ी माध्यम म पढ़े लइका के प्रवेश के खातिर पात्र होही। यदि कोनो कक्षा म 40 ले जादा आवेदन मिलगे तब विद्यार्थी मनके चयन लॉटरी निकालके करे जाही। लॉटरी के कार्यवाही 11 जून ले 14 जून तक पूरा करे जाही। डीईओ ह किहिन के राज्य सरकार के ये सर्वोच्च प्राथमिकता वाला योजना हावय। एमे प्रवेश के इच्छुक पालक अउ विद्यार्थी समय सीमा म आवेदन देके योजना के लाभ उठा सकत हावयं। आवेदन के खातिर वेबसाइट के पता- एचटीटीपी/सीजीस्कूल डॉट इन/ एस ए ई एमएस/स्टूडेन्ट एडमिशन हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।