विधायक कुवंर सिंह निषाद पहुंचिस अर्जुन्दा के टीकाकारण केन्द्र

अंजोर.गुंडरदेही, 10 मई 2021। कोरोना राई ले बांचे खातिर टीका के जबर अभियान प्रदेश म चलत हावय। तिसरइया दौर के टीकाकरण म 18 ले 44 बछर के लोगन मनल टीका लगत हावय। इही बीच गुंडरदेही विधायक कुवंर सिंह निषाद ह वैक्सीनेशन कार्यक्रम के जायजा ले खातिर समुदायिक स्वास्थ्य केंद्र अर्जुन्दा के तिर प्राथमिक शाला म पहुंचिस। मिले आरो के मुताबिक ओमन उहां के टीकाकरण के दल प्रभारी मनला बने बेवस्था के निर्देश दीस। ओमन किहिन के कोविड के विरुद्ध जंग जीते खातिर ये टीका बहुत ज़रूरी हावय, आम जनता ले मोर अपील हावय के सबो लाभार्थी मन टीका जरूर लगवाव।