अंजोर.कांकेर, 10 मई 2021। पुलिस प्रशासन कोति ले चलाये जात नक्सली मनके विरूद्ध नक्सल उन्मुलन अभियान अउ शासन के पुनर्वास नीति ले प्रभावित होके अउ नक्सली मनके खोखला विचारधारा, उंकर शोषण, अत्याचार अउ हिंसा ले तंग आके सी.पी.आई. नक्सल संगठन उत्तर बस्तर डिवीजन के सक्रिय कई नक्सली घटना म शामिल नक्सली दंपत्ति जयसिंग उर्फ दरबारी कोमरा पिता सोमाराम कोमरा उमर करीबन 28 साल साकिन सिरसांगी कोमरापारा थाना ताड़ोकी जिला कांकेर। किसकोड़ो एरिया कमेटी ले किसकोड़ो एरिया कमेटी सदस्य, किसकोड़ो एलओएस उप कमांडर उत्तर बस्तर डिवीजन मेडिकल टीम सदस्य जेकर उपर 5 लाख रूपिया के ईनाम रिहिस। सम्मी उर्फ सन्नी ईरपा पिता स्व. गुच्चा ईरपा पति जयसिंग कोमरा साकिन बल्लमनेण्ड्रा थाना बासागुडा जिला बीजापुर, प्लाटून नम्बर 17 सदस्या ईनाम 02 लाख रूपिया मन डहर ले आज 10 मई 2021 के पुलिस अधीक्षक कार्यालय जिला उत्तर बस्तर कांकेर म श्री एम.आर. आहिरे (भा.पु.से.) पुलिस अधीक्षक कांकेर के समक्ष पुलिस अधीक्षक कार्यालय कांकेर के सभागृह म आत्मसमर्पण करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।