हिमंत बिस्वा सरमा असम के मुख्यमंत्री पद के लिस शपथ, प्रधानमंत्री सहित कई बड़े नेता दीस बधाई

अंजोर.नई दिल्ली ए। प्रधानमंत्री नरेन्द्र मोदी ह हिमंत बिस्वा सरमा ल असम के मुख्यमंत्री पद के शपथ ले म बधाई दीस। ओमन संग म आन नेता मनला तको प्रदेश के मंत्री पद के शपथ ले म बधाई दे हावय। प्रधानमंत्री ह ट्विटर म लिखे हावय, ‘हिमंत बिस्वा सरमा जी अउ आज शपथ लेवइया आन मंत्रि मनला बधाई देवत हवं। मोला पूरा विस्वाआस हावय के ये टीम असम म विकास के यात्रा ल अउ तेज करके, लोगन के आकांक्षा ल पूरा करे म सफल रइही।’ 

श्री मोदी ह पहिली मुख्यमंत्री श्री सर्बानंद सोनोवाल के तका बढ़वई करिन। ओमन ट्वीट करे हावय के ‘मोर सहयोगी सर्बानंद सोनोवाल जी ह पाछु पांच साल एक जन समर्थक अउ विकास समर्थक प्रशासन के नेतृत्व करिन। असम के प्रगति अउ राज्य म पार्टी ल मजबूत बनाये के दिशा म ओमन एक बड़ा योगदान दे हावय।’