बाढ़हे कीमत म खातू ले बर किसान मजबूर..., अधिकारी किथे आदेश आही त कम होही

अंजोर.धमतरी, 27 मई 2021। हरेक साल सहिक एसो भी खरीफ विपणन 2020-21 म जिला के 74 प्राथमिक कृषि साख सहकारी/ आदिम जाति सेवा सहकारी समिति मन के माध्यम ले कृषक सदस्य मन समिति म भण्डारित रासायनिक खाद यूरिया, सुपर फास्फेट, डीएपी, इफ्को, पोटाश आदि के वितरण करे जात हावय। कलेक्टर जय प्रकाश मौर्य ह बताइन के ए साल खाद के कीमत म बड़वार होए के सेती ले सहकारी समिति मन डहर ले कृषक मनला बड़े दर म खाद के वितरण करे जात हावय। ओमन बताइन के खाद के बड़वार दर म सब्सिडी (कमी) दे जाये के संबंध म शासन ले कोनो आदेश मिले नइ हावय। ओमन किहिन हावय के शासन ले आदेश मिले म सब्सिडी के रकम कृषक सदस्य के खाता म समायोजित कर दीस जाही।