अंजोर.रायपुर, 27 मई 2021। राज्य सरकार डहर ले कोरोना वायरस (कोविड-19) संक्रमण के रोकथाम अउ महामारी के खिलाफ चलाये जात अभियान ल सशक्त बनाये बर वैक्सीन खरीदी के खातिर अमेरिका के बोस्टन म बहुराष्ट्रीय कंपनी म इंजीनियर गौतम बघेल ह 5 लाख के रकम मुख्यमंत्री मदद कोष म दीस हावय। मुख्यमंत्री भूपेश बघेल के आज ए रकम के चेक गौतम के पिता विष्णु बघेल अउ माता डॉ. श्रीमती मीरा बघेल ह सौपिस। मुख्यमंत्री श्री बघेल आज बिहनिया कोरोना ले बचाव के खातिर टीके के दूसरइया डोज लगवाये के खातिर रायपुर के पंडि़त जवाहर लाल नेहरू चिकित्सा महाविद्यालय पहुंचे रिहिस। टीका लगवाये के बाद मुख्यमंत्री ल ये चेक ओमन सौंपिस। जानबा होवय के डॉ. श्रीमती मीरा बघेल रायपुर जिला के मुख्य चिकित्सा अउ स्वास्थ्य अधिकारी हावयं।
मुख्यमंत्री श्री बघेल ह कोरोना संकट के ए घड़ी म सहयोग करे अउ ए आर्थिक मदद के खातिर गौतम बघेल के सराहना करिन हावय। येकर संग ही ओमन श्री गौतम के उज्ज्वल भविष्य के कामना करिन। ए मउका म संसदीय सचिव विकास उपाध्याय, छत्तीसगढ़ गृह निर्माण मण्डल के अध्यक्ष कुलदीप जुनेजा, कलेक्टर रायपुर एस. भारतीदासन अउ वरिष्ठ पुलिस अधीक्षक अजय यादव भी उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।