मुख्यमंत्री भूपेश बघेल लगवाइस कोरोना के दूसरइया टीका

अंजोर.रायपुर, 27 मई 2021। मुख्यमंत्री भूपेश बघेल ह आज बिहनिया रायपुर के पंडित जवाहर लाल नेहरू चिकित्सा महाविद्यालय पहुंच के कोविड-19 ले बचाव के टीका के दूसरइया खुराक लिस। ओमन टीका लगवाये के बाद डॉक्टर मन ले टीकाकरण के बाद रखे जाये वाला सावधानी के जानकारी लिस। मुख्यमंत्री श्री बघेल ह ए मउका म प्रदेशवासी मनले अपील करे हावय के वो कोरोना ले बचाव के खातिर अपन बारी आए म टीका जरूर लगवाएं। जेन ह टीका के पहिली डोज लगवा लिस है, वो करार बेरा म दूसरइया डोज लगवाएं, काबर के टीका ही कोरोना ले बचाव के एक कारगर उपाय हावय। टीका लगवाये के बाद भी सबो लोगन कोविड एप्रोप्रियेट बिहेवियर के पालन करें। मास्क लगावे, समय-समय म हाथ के सफाई करें अउ फिजिकल डिस्टेंस बनाए रखें। भीड़-भाड़ म जाये ले बचें। 

मुख्यमंत्री ह किहिन के सबो के सहयोग अउ मेहनत ले छत्तीसगढ़ म कोरोना के दूसरइया लहर ल नियंत्रित करे म काफी हद तक सफलता मिले हावय। संक्रमण के दर अभी के बेरा म 5 प्रतिशत के नीचे आ गे हावय। जनता के सहूलियत के खातिर लॉकडाउन म कुछ छूट दे गे हावय। सबो लोगन सावधानी बरते जेकर ले कोरोना के खिलाफ लड़ाई जीते जा सके। मुख्यमंत्री श्री बघेल ल श्रीमती दिपेश्वरी चंद्राकर अउ डॉ. नरेश साहू के टीम ह टीका लगाइस। ए मउका म गृह निर्माण मण्डल के अध्यक्ष कुलदीप जुनेजा अउ संसदीय सचिव विकास उपाध्याय, चिकित्सा शिक्षा विभाग के संचालक डॉ. आर. के. सिंह, कलेक्टर डॉ. एस भारतीदासन, वरिष्ठ पुलिस अधीक्षक अजय यादव, रायपुर मेडिकल कॉलेज के डीन डॉ. विष्णु दत्त, डॉ. भीमराव अम्बेडकर अस्पताल के अधीक्षक डॉ. विनीत जैन अउ मुख्य चिकित्सा अउ स्वास्थ्य अधिकारी डॉ. मीरा बघेल अउ स्टॉफ नर्स सुश्री कविता निराला उपस्थित रिहिस।