फोर्टिफाईड पुलिस थाना भवन बोडला, चिल्फी अउ रेंगाखार कला के होइस भूमिपूजन

अंजोर.कवर्धा, 28 मई 2021। वन, आवास अउ पर्यावरण मंत्री मोहम्मद अकबर ह कवर्धा विधानसभा क्षेत्र म अपन एक दिवसीय प्रवास के बखत बोडला, चिल्फी अउ रेंगाखार कला म फोर्टिफाइड पुलिस थाना भवन के भूमिपूजन करिन। एमे सबोच थाना भवन के निर्माण के खातिर विशेष आधुनिकीकरण योजना 2021-22 ले एक करोड़ 79 लाख 54 हजार रूपिया के रकम स्वीकृत हावय। ये फोर्टिफाइड पुलिस थाना भवन के निर्माण छत्तीसगढ़ पुलिस हाऊसिंग कार्पोरेशन डहर ले करे जाही। 

वन मंत्री श्री अकबर ह येकर भूमिपूजन करत किहिन के ये थाना भवन अत्याधुनिक सुविधा ले सुसज्जित होही। ये नक्सल खतरे ले आसानी ले निपटे खातिर म भी कारगर होही। इहां फोर्टिफाइड पुलिस थाना भवन के बन जाये ले नक्सली मन ल पुलिस थाना म आसानी ले घुसे या बाहिर ले सोज गोली चलाये के संभावना ल रोके म भी मदद मिलही। ओमन छत्तीसगढ़ पुलिस हाऊसिंग कार्पोरेशन के ये थाना भवन के गुणवत्ता के संग समय-सीमा म निर्माण करे के खातिर निर्देशित करिन। ए मउका म क्षेत्र के जनप्रतिनिधि अउ वरिष्ठ नागरिक अउ संबंधित विभागीय अधिकारी उपस्थित रिहिस।