अंजोर.कवर्धा, 08 मई 2021। राज्य सरकार राष्ट्रीय ग्रामीण आजीविका के जरिए परम्परागत व्यवसाय ले जोड़के प्रदेश के ग्रामीण महिला मन ल स्थानीय स्तर म रोजगार उपलब्ध करात हावयं। येकर संग ही बिहान ले जुड़े स्व-सहायता समूह के आने-आने व्यवसाय म प्रशिक्षण देके आत्मनिर्भर बनाये जात हावयं। इही कड़ी म कवर्धा जिला के गांव बम्हनी के महिला मन के कम्युनिटी फार्मिंग माने समिलहा खेती ले नवा मॉडल ले रोजगार उपलब्ध होत हावयं। इहां के महिला मन सब्जी-भाजी के संग-साथ मौसमी फसल के उत्पादन करके जादा मुनाफा कमात हावयं। येकर ले वो आर्थिक रूप ले सशक्त होत हावयं, उहें समाज म भी सम्मान मिलत हावय।
कवर्धा जिला के गांव बम्हनी म राष्ट्रीय ग्रामीण आजीविका मिशन (बिहान) के डहर ले गठित महिला स्व-सहायता समूह डहर ले करे जात कम्युनिटी फार्मिंग ले आत्मनिर्भर हो रही हावयं। पंचायत अउ ग्रामीण विकास विभाग के मार्गदर्शन म कृषि विभाग, उद्यानिकी विभाग, क्रेडा विभाग, कृषि विज्ञान केंद्र कवर्धा, मछली पालन विभाग, पशुपालन विभाग सहित लोक स्वास्थ्य यांत्रिकी विभाग के विभागीय अभिसरण ले कम्युनिटी फार्मिंग के रोड मैप तइयार करे गिस। जेकर परिणाम हावय के विकासखंड कवर्धा के गांव पंचायत बम्हनी के महिला स्व-सहायता समूह सीधा तौर म आर्थिक रूप ले लाभान्वित होत हावय। समूह के महिला मन मौसमी फसल के संग-साथ हरा साग-सब्जी जइसे- करेला, लौकी, मिर्ची, आलू, प्याज, टमाटर सेमी, गवार फली जइसे सब्जी के उत्पादन अउ नेपियर घास अउ सिटेनोला (लेमन ग्रास) के उत्पादन करके आय अर्जित करत हावय।
बम्हनी के मां भवानी स्व-सहायता समूह के सदस्य मन ह बताइन के वो साग-सब्जी अउ आन फसल के उत्पादन ले अब तक 22 हजार 210 रूपिया अतिरिक्त आमदनी मिले हावयं। इही रकम ले गांव बम्हनी के ही विद्या स्व-सहायता समूह डहर ले 18 हजार 947 रुपए, अमीन माता स्व-सहायता समूह डहर ले 6 हजार 989 रुपए, सिद्धि स्वच्छता समूह डहर ले 6 हजार 727 रुपए, जय मां गौरी स्व-सहायता समूह डहर ले 10 हजार 540 रुपए, मां चंडी स्व मदद समूह डहर ले 8 हजार 500 रूपिया के लाभ कमाया गे हावय। येकर अलावा जय मां बमलेश्वरी स्व-सहायता समूह डहर ले मछली उत्पादन के बुता भी करे जात हावय।
समूह के महिला मन ह बताइन के वैश्विक महामारी के सेती कोरोना वायरस के रोकथाम के खातिर लगाए गे लॉकडाउन के बखत भी सब्जी उत्पादन के बुता सरलग जारी हावय। येकर ले ओला सरलग रोजगार के संग-साथ आमदनी के एक बढि़या जरिया मिले हावय। अधिकारी मन ह बताइन के विभागीय अभिसरण के तहत गांव बम्हनी म कम्युनिटी फार्मिंग के बुता सुरू करे गे हावय, जेन अब ग्रामीण महिला मन के खातिर आमदनी के मुख्य जरिया बना गे हावय। महात्मा गांधी राष्ट्रीय ग्रामीण रोजगार गांरटी योजना (मनरेगा) ले 10 एकड़ के भूमि के समतलीकरण करे गिस। कृषि अउ उद्यानिकी विभाग डहर ले सब्जी के बीज उपलब्ध कराइन गिस अउ सबो जरूरी जानकारी महिला मन ल दीस। सब्जी उत्पादन के खातिर आन अधोसंरचना के बेवस्था विभागीय अभिसरण ले करे गिस। एमे मुख्य रुप ले क्रेडा विभाग, मछली पालन विभाग, लोक स्वास्थ्य यांत्रिकी विभाग अउ पशुपालन विभाग शामिल हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।